చెడగొట్టు వాన

- నాగేశ్వర్ | 16.04.2019 09:25:58am

నిన్న కురిసిన
వర్షం తాలూకు తడి ఆరలేదు
వాకిళ్ళనిండా
ఖద్దరు చొక్కాల కాలిగుర్తులు చెరిగిపోనేలేదు
ఓటర్ల మీద కురవడానికి
తాయిలాలతో పొట్టకొచ్చిన మబ్బుల జాడసలేలేదు
హామీలు మొలకెత్తలేదు
కహానీలు ఇంకా మరచిపోనేలేదు
మళ్ళీ మబ్బులు కమ్ముకుంటున్నాయి
మేఘాలు ఆగమేఘాల మీద పరుగెడుతున్నాయి

నిన్నటి వరదకు
బార్ల జాలార్ల నిండా నోటు మేటవేసి కూర్చుంది
తడిచి ముదై చలిజ్వరమొచ్చి మంచంపట్టిన ఓటు
ఇప్పుడిప్పుడే లేచి కూర్చుంటోంది
అంతలోనే మళ్ళీ వాన
ఇప్పుడు దేశమంతా ముసురుకున్న వాన

నిన్నటి వానలో వరదలో బురదలో
కొట్టుకుపోయినవాళ్ళు పోగా
అందిన తుంగ పోసల ఆసరాతో
బతుకు జీవుడా అని తేలినవాళ్ళు తేలగా
ఒడ్డుకు కొట్టుకొచ్చి గద్దెమీద
నిద్దురపోయే పాతిక పాలక కప్పల బెకబెకబెక

డెబ్బై ఏండ్లుగా
ఈ వాన వచ్చిపోతూనేవుంది
వరదలో పూరిగుడిసె కొట్టుకుపోతూనేవుంది
చూపుడువేలు సిరాచుక్క మోసపోతూనేవుంది

వానొస్తే
పుడమి పులకరిస్తుంది
పువ్వు మురిసిపోతుంది
మట్టి పొత్తిళ్ళ నుండి విత్తు కన్ను తెరుస్తుంది
పంటచేను పచ్చపచ్చగా నవ్వుతుంది
చెమటచుక్క ఇంద్రధనస్పై మెరుస్తుంది
దేశం దేశమంతా
కడుపారా తిని కండ్లారా కునుకుతీస్తుంది

పార్లమెంట్
పాలరాతి భవంతిలో ఏర్పడిన
అల్పపీడన ద్రోణి ప్రభావంతో
ఏప్రిల్ పదకొండు నుండి
మే పందొమ్మిది వరకు
భారీ నుండి అతిభారీ వర్షాలు పడే అవకాశముందని
భారత ఎన్నికల వాతావరణ శాఖ తెలియజేసింది

నోట్ల ఓట్ల చిటపట చినుకుల జడిలో తడిలో తడిచి
పెట్టుబడి ముచ్చటపడుతుంది
బహుళజాతి కంపిని బహుదోపిడి ముఖాలతో నవ్వుతుంది
పెట్టుబడీ పార్లమెంటూ చెట్టాపట్టాలేసుకొని
వానా వానా వల్లప్పా అని
చినుకుల్లో చిందులేస్తుంది
ఇక్కడ విత్తుకు విలువలేదు
రైతుకు నిలువనీడలేదు
దేశం ఆకలి పేగు
రాజస్థాన్ థార్ ఎడారై విస్తరిస్తుంది
పెట్టుబడీ పార్లమెంట్
చుట్టిర్కం కలుపుకొని రాజ్యమేలుతోంది

ఐదేండ్లకోసారి కురిసే వాన
అప్పుడప్పుడు ముందస్తు అకాల వర్షమై కుమ్మరిస్తుంది
మధ్యంతరం కుండపోత వానవుతుంది
అన్నీ వడగండ్లవానలే

కళ్ళం గింజల మీద
కన్నెర్రజేసిన వానోలె
చెమట చుక్కలమీద
చెడగొట్టు వాన ఇది

No. of visitors : 500

Type in English and Press Space to Convert in Telugu

అతడూ అర్బన్ నక్సలైటే

నాగేశ్వర్ | 23.03.2019 06:05:50pm

అతడిప్పుడు భౌతికంగా మన కళ్లముందుంటే అతడూ అర్బన్ నక్సలైటే దేశ అంతర్గత భద్రతకు అత్యంత ప్రమాధకారే ...
...ఇంకా చదవండి

అతడేమన్నాడు

నాగేశ్వర్‌ | 28.08.2019 07:11:41pm

మనుషులు కనిపిస్తే అల్లుకపోయే మల్లెచెట్టు మాటల్లో పూచే మల్లె పూలు ఎప్పుడూ తన ఉనికిలోనే మోదుగ పూలై పూస్తాడు ఎల్లప్పుడూ చీమల బారై తిరుగాడుతాడు అతని కనుల మహా స...
...ఇంకా చదవండి

ఇల్లు

నాగేశ్వర్ | 22.04.2020 08:15:05am

మూటనిండా ముల్లెవుందని కారుకూతల నోరు జారారు రాజ్యం కోడై కూసింది ఆ తల్లి మూట ముడివిప్పి చూస్తే పిడికిళ్ళెత్తి జేజేలు పలుకుతూ జనమే జనం ...
...ఇంకా చదవండి

అర్హత

నాగేశ్వర్‌ | 01.04.2019 02:23:51pm

అతడు తన గొంతునూ వెంటబెట్టుకెళ్ళాడు గొంతు అతని నిరసన గళం...
...ఇంకా చదవండి

యురేనియమం

నాగేశ్వర్ | 03.08.2019 11:46:09pm

అడవికి ఆదివాసికి అతికిన బొడ్డుతాడు పుటుక్కున తెంపుదాం నోటికాడి పోడు బువ్వ బుక్కను కాకులై తన్నుకుపోదాం దూపబుడ్లు ఊటచెరువుల కడుపెండబెడదాం నల్లమల నిండ...
...ఇంకా చదవండి

కరోనా కర్ఫ్యూ

నాగేశ్వర్ | 02.04.2020 01:02:52am

నీకూ నాకూ మధ్య మాస్క్ ములాఖత్ గోడ కట్టుకోవాల్సిందే...
...ఇంకా చదవండి

అడవి - నది

నాగేశ్వర్ | 22.04.2020 07:54:02am

అమరులు ఆకాశ దీపాలు అలల అరచేతుల మీదుగా బిడ్డల్ని ఒడ్డుకు చేర్చిన ఇంద్రావతి గుండెల మీద నిద్రపుచ్చి ఆకుల చీరంచు కప్పిన గడ్చిరోలి...
...ఇంకా చదవండి

"దేశభక్తి"

నాగేశ్వర్ | 02.08.2020 04:08:39pm

మనలో దేశభక్తి ఊటలు ధారలుగడుతుంటే వాడు ధరల అడుగులు ఒక్కోమెట్టు ఆకాశం మేడెక్కించే పనిలో ఉంటాడు మనం దేశభక్తి శిగాలొచ్చి ఊగుతుంటే పెట్టుబడి చుట్టాల నెత్తిమీది ...
...ఇంకా చదవండి

పూల పరిమళం వాళ్ళు

నాగేశ్వర్ | 02.06.2020 11:25:40pm

వాళ్ళు మా ఇంటి పెరట్లో ఎర్రమందారాలు మా చేను సెలకల్లో నవ్వే గోగుపూలు...
...ఇంకా చదవండి