ఒక వికృతి

| సాహిత్యం | క‌విత్వం

ఒక వికృతి

- జి. వెంకటకృ‌‌ష్ణ | 03.05.2019 03:40:58pm


ఓట్ల పెట్టెల మెట్లకొసనగల సింహాసనపు
తాఖీదులందుకునే న్యాయవేత్తలు
శరీర పరిమితులు దాటి
మనసును తమ తక్కెడలో తూచడం
ప్రారంభించారు!
గాలిని వీచవద్దనీ, నీటిని పారవద్దనీ
అగ్నిని మండవద్దనీ తీర్పులిస్తారు.

రక్తపాదాల సేద్యం నిర్మించిన రస్తా నుండీ
చలువ పందిళ్లు చేరిన అధికార ముద్రలు
సమూహ ఆలోచనే నేరమని నిర్ధారిస్తున్నవి
ఎగిరే పక్షి రెక్కలనూ, మోగే డప్పు దరువులనూ
నినదించే ధిక్కార గొంతుకలనూ
నిషేధిస్తున్నవి.

సమూహం వేళ్లనుండీ సారం పీల్చి
బలిసిన రాజకీయ బదనికలు
చిగుర్చే కొమ్మల ఆకాంక్షనీ
పుష్పించే రెమ్మల సంకల్పాన్నీ
ఫలించే ఆశయాల వేకువనీ
నిర్బంధిస్తామంటున్నవి.

మధ్యయుగాల సారమొకటి
విశ్వ విజ్ఞానానికి మత ఛాందసాన్ని అంటుగట్టి
తన్నుతాను పునర్నిర్మించుకుంటున్నది

అడుగడుగునా వూచలు మొలిచే
కొత్త రకం వంగడాలను సంకరం చేయమని
తన వందిమాగధుల్ని పురమాయిస్తున్నది

నెత్తురు మరిగిన కత్తుల కొసలన్నీ
త(న)మోరూపం దాల్చి
శ్రమజీవుల శిబిరాన్ని ఖైదు చేయమంటున్నవి

మాట రూపమైతే, పాట ప్రాణమైతే
స్వేచ్ఛ గానమైతే, హేతువు దాని మూలమైతే
ఓర్వలేక, కర్కశంగా కరాళనృత్యం
చేస్తున్నది.
*
చరిత్ర ఆవర్తనలో వొక్కోసారి
ఆర్తనాదమూ పొలికేకలా ధ్వనిస్తుంది
ఆశనిపాతమూ వుధ్వేగంలా అగుపిస్తుంది .

కానికాలంలో
అవసరమయ్యే నిప్పుకణికా దాగుంటుంది.

కాలమొక్కటే నమ్మకాల గుమ్మం ముందు
ప్రహారా కాస్తుంది
హెచ్చరికలు చేస్తుంది
నిప్పురాజేస్తుంది.

నిప్పులదారి యెప్పుడూ
ఒంటరిగనే చరిస్తుంది.





No. of visitors : 304
Type in English and Press Space to Convert in Telugu

Related Posts


సీమేన్ - వ్యక్తి , ప్రకృతుల నిజదర్శనం

జి.వెంకటకృష్ణ | 05.06.2018 10:52:19am

ఒక కఠిన వాస్తవికత ముందు , రచయిత నమ్మిన పోరాటరూపాలు గణనీయమైన మార్పకు గురికావడం ప్రభు కథల్లో చూస్తాము. ఓడిపోతున్న సందర్భాలు పెరిగేకొద్దీ ప్రతిఘటన ల్లో న...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

భారత ప్రజల విముక్తికి మార్గం చూపిన నక్సల్బరీ రైతాంగ పోరాట లక్ష్యం - గుణపాఠాలు

నిజమైన కమ్యూనిస్టులుగా మారాలంటే విశాల ప్రజారాశులకు విద్యార్థులుగా మారాల్సి ఉంటుంది. సలహాదార్ల లాగా, సర్వం తెలిసినవాళ్లలాగా, ఉపాధ్యాయులు లేదా పండింతుల లాగా..

  • నక్సల్బరీ వీరోచిత రైతాంగం వర్ధిల్లాలి!
  • The Question of class war and annihilation of caste - New democratic revolution in Neo Colonial India
  • Students and the Revolution
  • నూతన ప్రజాస్వామిక విప్లవ నేత
      వీడియోలు  
    లేటెస్ట్ పోస్టులు...
    వాళ్ల స్వేచ్ఛ కోసం పోరాడదాం
    నక్సల్బరీని ఎలా అర్థం చేసుకోవాలి?
    భారత ప్రజల విముక్తికి మార్గం చూపిన నక్సల్బరీ రైతాంగ పోరాట లక్ష్యం - గుణపాఠాలు
    నక్సల్బరీ వీరోచిత రైతాంగం వర్ధిల్లాలి!
    లాక్ డౌన్ లో అబద్ధాలు - ఎన్ కౌంటర్లు
    కా. కాశీం విడుదల కోసం కృషి చేసిన మిత్రులందరికీ విప్లవాభివందనాలు - కరోనా విపత్తులో రాజకీయ ఖైదీలను, ఇతర ఖైదీలందరినీ వెంటనే విడుదల చేయాలి
    కాపిటల్ లో కార్ల్ మార్క్స్ ఏం చెప్పాడు
    ʹ రాగో ఏమవుతుంది? ʹ
    "తిన్నాడో లేదో పాపం"
    పరిమళభరిత తావుల్లోంచి
    ఆకలి చెమట వాసన
    ఇంద్రావతి..

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •