కన్ ఫామ్... !

| సాహిత్యం | క‌విత్వం

కన్ ఫామ్... !

- ఇక్బాల్ | 16.08.2019 09:13:18pm

మిత్రుడా...
మేరీజాన్...
సెల్లు పాడయింది !

స్పందనలిచ్చే
దానిగొంతూ మూగబోయింది...

రిపేరర్ బల్లమీద
క్యూలో కూలబడి గడచిపోయిన క్షణాల్ని
గుర్తుచేసుకోవడంలో...
స్పృహా తప్పింది !!

మనసు పాడయ్యింది
మున్నూటాడెబ్భై ద్రోహాల సెగలతో
సొమ్మసిల్లిoదీ దేహం...

నాచుట్టూ
ఊపిరాగిపోయిందనుకుని
సంతాప ప్రకటనల కోసం
కమ్ముకున్న ఆత్మీయతలూ...

చెలిమలైన కనురెప్పల్లో
శోకాన్ని దఫన్ చేసుకున్న
స్నేహ స్పర్శలూ...

చెవుల్లో పోటెత్తిన నినాదాలహోరు
హిందుస్తాన్ జిందాబాద్
హిందుస్తాన్ జిందాబాద్

ఆఖరి కోరిక అనుకోకండి
దయతో ఆపేయండీనాదాలు
హిందుస్తాన్ కాదు
పాకిస్తాన్ కాదు

మీ అందరి అనురాగ
ఆశీర్వాదాలవల్ల
నాముందు పరిచి ఉంది
విప్పారిన బాహువులతో
ఖబరస్థాన్...

మీతో కలిసున్నరోజులకు
లెక్కేసి ఇచ్చిన నజరానా కదూ...
ఇది నాకోసమే!!!

ఏడుపదుల
సెక్యూలర్ ఎకసోపుల
ఎదురీతల ఎత్తిపొడుపుల
సహగమన జ్వాలల్లోచిక్కి

సహచర్య చూపులగాట్లతో
సైగల నిశానాలుగా
శిబిరంలోంచే లోడయ్యే
మంద్రస్థాయి ఏహ్యతలూ

బుసకొట్టకుండానే
భుజంమీదచెయ్యేసి
పారాడే పాములు చేసే
నాలుకల రెపరెపల
పరిచర్యలూ
తట్టుకోలేకపోయిందీ మనస్సు...

ప్రమాదమూ... ప్రమత్తత...
సఫ్రాన్ తోనేఅనే భ్రమలో ఉన్నానేమో ఇంతకాలమూ

ఇక్కడిప్పుడు
ఏరంగు జెండా అయినా
ఒక్కటే...

ఏ పార్టీ ఎజెండా అయినా ఒక్కటే
ఇవన్నీ
నన్ను కౌగిలించుకోడానికి
కలలుకంటున్న కఫన్లే అని
కన్ ఫామ్ అయిపోయిందిప్పుడు...!

ఇది నాసొంతిల్లనుకున్న
నా జన్మభూమిలో
నా సహోదరులందరూ
నాఅంతాన్ని సెలెబ్రేట్ చేసుకునే శాంతిదూతలే...!!

తోడేళ్ళ వేటలో
రక్తమోడిన గొర్రెపిల్లల గుండెగాయాల గుర్తుల్ని
మటుమాయం చేసిన ప్రజాస్వామ్య ప్రవక్తలే...!!!





No. of visitors : 265
Type in English and Press Space to Convert in Telugu

Related Posts


కార్పోరేట్ వ్య‌వ‌సాయం - రైతుల‌ ఆత్మ‌హ‌త్య‌లు

ఇక్బాల్ | 06.08.2016 08:59:57pm

ఇక్బాల్ | 9, 10 జ‌న‌వ‌రి 2016 తేదీల్లో విరసం 25వ రాష్ట్ర మ‌హాస‌భ‌ల్లో ʹకార్పోరేట్ వ్య‌వ‌సాయం - రైతుల‌ ఆత్మహ‌త్య‌లుʹ అంశంపై కామ్రేడ్ ఇక్బాల్ ఉప‌న్యాసం.......
...ఇంకా చదవండి

ఊహల ఊటల్లో...

ఇక్బాల్ | 01.07.2020 07:17:44pm

ఎడారి ఎదురు చూపుల అలసటెరుగని చెలిమలు.. నా ఊహల ఊటల్లో తప్ప...!!...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

భారత ప్రజల విముక్తికి మార్గం చూపిన నక్సల్బరీ రైతాంగ పోరాట లక్ష్యం - గుణపాఠాలు

నిజమైన కమ్యూనిస్టులుగా మారాలంటే విశాల ప్రజారాశులకు విద్యార్థులుగా మారాల్సి ఉంటుంది. సలహాదార్ల లాగా, సర్వం తెలిసినవాళ్లలాగా, ఉపాధ్యాయులు లేదా పండింతుల లాగా..

  • నక్సల్బరీ వీరోచిత రైతాంగం వర్ధిల్లాలి!
  • The Question of class war and annihilation of caste - New democratic revolution in Neo Colonial India
  • Students and the Revolution
  • నూతన ప్రజాస్వామిక విప్లవ నేత
      వీడియోలు  
    లేటెస్ట్ పోస్టులు...
    నలబై వసంతాల దండకారణ్యం
    అరుణతార ఏప్రిల్ - జూన్ 2020
    తారకంగారంటే..
    సరిహద్దులు కాపాడేది దేశాన్నా, యుద్ధోన్మాదాన్నా?
    అనేక హింస‌ల గురించి లోతుగా చర్చించిన ఒక మంచి కథ -ʹకుక్కʹ
    హ్యాపీ వారియర్ : సాయిబాబా అండా సెల్ కవిత్వం ʹనేను చావును నిరాకరిస్తున్నానుʹ సమీక్ష
    అస్సాం చమురుబావిలో మంటలు - ప్రకృతి గర్భాన మరో విస్ఫోటనం
    దేశీయుడి కళ
    మీరొస్తారని
    బందీ
    ఊపా చట్టంలోని అమానవీయ అంశాలపట్ల ఆందోళన వ్యక్తం చేసిన ఐక్యరాజ్యసమితి
    మనిషిని బంధించినంత మాత్రాన....

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •