అతడేమన్నాడు

- నాగేశ్వర్‌ | 28.08.2019 07:11:41pm

అతడేమన్నాడు
ఉన్నదేదో ఉన్నట్లు
కుండబద్దలు కొట్టినట్లు
ముక్తకంఠమయ్యాడు

నక్సల్బరీ దివిటీ నెత్తికెత్తుకొని
శ్రీకాకుళం, తెలంగాణ మీదుగా
పిడికిలి కాగడా వెలిగించుకొని
దేశమంతా చీమలబూరై తిరిగాడు

అడవి
అదివాసి పుట్టినిల్లని ప్రకటించాడు
అడవి సిగలో తురిమిన
మోదుగ పూలను ఆలింగనం చేసుకున్నాడు

అతడేం చేశాడు
కారంచేడు చుండూరు
నీరుకొండ పదిరికుప్పం
వేంపెంట లక్షింపేటల
కన్నీటి జడిలో తడిసి పోయాడు

చీకటి చరిత్ర మీద
వెలుగు సంతకం చేసి
సూర్యుడి చేతుల్లో చెయ్యేసి నడిచాడు

దేశం దేహం మీద స్రవిస్తోన్న
గుజరాత్‌ గాయాల్ని స్పృశించాడు
అక్కడి మట్టిలో
నాలుగు ఎర్ర మందారాలు పూయించాడు

మనిషితనం ప్రవహిస్తున్న
నదిలాంటి మనిషి కదా
యుద్ధ మేఘాలు కమ్మిన ఆకాశం మీద
శాంతి దీపాలు వెలిగించాడు

నువ్వతడ్ని
కుల చిలుక్కొయ్యను చేసి గోడకు దొగ్గొట్టొచ్చు
అతడు మాత్రం
వాడల్లోంచి వెలివాడల్లోంచి
నడిచి వచ్చిన మానవుడతను

మనుషులు కనిపిస్తే
అల్లుకపోయే మల్లెచెట్టు
మాటల్లో పూచే మల్లె పూలు
ఎప్పుడూ తన ఉనికిలోనే మోదుగ పూలై పూస్తాడు
ఎల్లప్పుడూ చీమల బారై తిరుగాడుతాడు

అతని కనుల మహా సముద్రాల్లోంచి
తుఫాను చెలరేగుతుందనే
అధికార పీఠం గజగజ వణుకుతోంది

అతని మాటల ఈటెల వాడి
వాడి గుండెలను గురి చూసే ఉంటుంది
అందుకే వాడి గుండో జారి బేజారవుతోంది

అతని చూపుల సూర్యుడు
వాడి కుర్చీ మీద సండ్రనిప్పులు చల్లే ఉంటాడు
ఢిల్లీ గద్దె కమురు వాసన వేస్తోంది

ఇప్పుడతని మీద
కుట్రలు చిమ్మిన చీకటి రాజ్యం పీటేసుకొని కూర్చొంది
చరిత్రలో కుట్రల కుంటికాళ్ల అధికారం చివరంటా నిలిచిన దాఖలా లేదు
జెయిల్లో ఉంటేనేం
వెలుగుల జడివాన అతడు.

No. of visitors : 545

Type in English and Press Space to Convert in Telugu

అతడూ అర్బన్ నక్సలైటే

నాగేశ్వర్ | 23.03.2019 06:05:50pm

అతడిప్పుడు భౌతికంగా మన కళ్లముందుంటే అతడూ అర్బన్ నక్సలైటే దేశ అంతర్గత భద్రతకు అత్యంత ప్రమాధకారే ...
...ఇంకా చదవండి

ఇల్లు

నాగేశ్వర్ | 22.04.2020 08:15:05am

మూటనిండా ముల్లెవుందని కారుకూతల నోరు జారారు రాజ్యం కోడై కూసింది ఆ తల్లి మూట ముడివిప్పి చూస్తే పిడికిళ్ళెత్తి జేజేలు పలుకుతూ జనమే జనం ...
...ఇంకా చదవండి

చెడగొట్టు వాన

నాగేశ్వర్ | 16.04.2019 09:25:58am

ఐదేండ్లకోసారి కురిసే వాన అప్పుడప్పుడు ముందస్తు అకాల వర్షమై కుమ్మరిస్తుంది మధ్యంతరం కుండపోత వానవుతుంది అన్నీ వడగండ్లవానలే...
...ఇంకా చదవండి

అర్హత

నాగేశ్వర్‌ | 01.04.2019 02:23:51pm

అతడు తన గొంతునూ వెంటబెట్టుకెళ్ళాడు గొంతు అతని నిరసన గళం...
...ఇంకా చదవండి

యురేనియమం

నాగేశ్వర్ | 03.08.2019 11:46:09pm

అడవికి ఆదివాసికి అతికిన బొడ్డుతాడు పుటుక్కున తెంపుదాం నోటికాడి పోడు బువ్వ బుక్కను కాకులై తన్నుకుపోదాం దూపబుడ్లు ఊటచెరువుల కడుపెండబెడదాం నల్లమల నిండ...
...ఇంకా చదవండి

కరోనా కర్ఫ్యూ

నాగేశ్వర్ | 02.04.2020 01:02:52am

నీకూ నాకూ మధ్య మాస్క్ ములాఖత్ గోడ కట్టుకోవాల్సిందే...
...ఇంకా చదవండి

అడవి - నది

నాగేశ్వర్ | 22.04.2020 07:54:02am

అమరులు ఆకాశ దీపాలు అలల అరచేతుల మీదుగా బిడ్డల్ని ఒడ్డుకు చేర్చిన ఇంద్రావతి గుండెల మీద నిద్రపుచ్చి ఆకుల చీరంచు కప్పిన గడ్చిరోలి...
...ఇంకా చదవండి

"దేశభక్తి"

నాగేశ్వర్ | 02.08.2020 04:08:39pm

మనలో దేశభక్తి ఊటలు ధారలుగడుతుంటే వాడు ధరల అడుగులు ఒక్కోమెట్టు ఆకాశం మేడెక్కించే పనిలో ఉంటాడు మనం దేశభక్తి శిగాలొచ్చి ఊగుతుంటే పెట్టుబడి చుట్టాల నెత్తిమీది ...
...ఇంకా చదవండి

పూల పరిమళం వాళ్ళు

నాగేశ్వర్ | 02.06.2020 11:25:40pm

వాళ్ళు మా ఇంటి పెరట్లో ఎర్రమందారాలు మా చేను సెలకల్లో నవ్వే గోగుపూలు...
...ఇంకా చదవండి