ఏవోబీ నెత్తురు చిందుతోంది

| ప‌త్రికా ప్ర‌క‌ట‌న‌లు

ఏవోబీ నెత్తురు చిందుతోంది

- విరసం | 23.09.2019 01:07:09pm


విశాఖ ఏజెన్సీలో 22వ తేదీ జరిగిన బూటకపు ఎన్‌కౌంటర్‌ను ఖండించండి

ఆంధ్రా ఒడిషా సరిహద్దు ప్రాంతంలో వైసీపీ ప్రభుత్వ కూబింగ్‌, అణచివేత చర్యలపై ఉద్యమించండి

వైసీపీ ప్రభుత్వం అధికారంలోకి వచ్చినప్పటి నుంచి ఆంధ్రా ఒడిషా సరిహద్దు ప్రాంతంలో తీవ్రమైన అణచివేత చర్యలకు పరాకాష్టగా సెప్టెంబర్‌ 22, ఆదివారం మధ్యాహ్నం విశాఖ ఏజెన్సీలో ఒక బూటకపు ఎన్‌కౌంటర్‌ జరిగింది. అయితే ఇప్పటికీ ఈ ఘటన గురించి పోలీసులు వాస్తవాలు చెప్పడం లేదు. మృతులు ఐదుగురని మొదట ప్రచారం జరిగింది. తర్వాత ముగ్గురని, కాదు ఇద్దరని అంటున్నారు. ఈ ఘటనలో మావోయిస్టు అగ్రనేత కామ్రేడ్‌ అరుణ ఉన్నారని, అలాగే గాలికొండ ఏరియా కమిటీ కార్యదర్శి కా. హరి అలియాస్‌ గెమ్మలి కామేష్‌ ఉన్నారని ప్రచారం జరుగుతోంది. వాస్తవానికి మావోయిస్టు పార్టీ వార్షికోత్సవ సభలు ఏవోబీ అంతటా వేలాది మంది ప్రజలతో జరుగుతున్నాయని, ఆ సభలకు వెళ్లి వస్తున్న ఆదివాసులను పట్టుకొని కాల్చేశారనే వాదన కూడా ప్రసార మాధ్యమాల్లో వినిపిస్తోంది. మృతులు ఎవరైనప్పటికీ ఇది బూటకపు ఎన్‌కౌంటర్‌ అని ఇప్పటికి పత్రికా కథనాలను బట్టి అర్థమవుతోంది.

నిజానికి ఈ ఒక్క ఎన్‌కౌంటర్‌ అనే కాదు, గత కొద్దికాలంగా వైఎస్‌ జగన్‌మోహన్‌ రెడ్డి అధికారంలోకి వచ్చినప్పటి నుంచి అంతక ముందటి అణచివేత విధానాలే మరింతగా ఏవోబీ అంతటా అమలవుతున్నాయి. ముఖ్యంగా గత పదిరోజులనుంచి వస్తున్న ఏజెన్సీ వార్తలు ఆందోళనకరంగా ఉన్నాయి. ఎప్పటిలాగే పోలీసులు తమ అణచివేతకు సమర్థనగా ఏవోబీలో మావోయిస్టు యాక్షన్‌ దళాలు తిరుగుతున్నాయని చెబుతూ భారీ ఎత్తున కూంబింగ్‌ జరుపుతున్నారు. విశాఖ మన్నెం ప్రాంతం నుంచి ఆంధ్రా ఒడిషా విప్లవోద్యమ ప్రాంతంలోని ఆదివాసీ గూడేలపై దాడులు చేస్తున్నారు. అక్రమంగా ఆదివాసులను అరెస్టు చేసి వేధిస్తున్నారు.

ఈ క్రమంలో ఈ నెల 13న చిత్రకొండ కటాఫ్‌ ఏరియాలో బిఎస్‌ఎఫ్‌ జవానులు సంతకు వెళ్లిన అర్జున్‌ఖిలో అనే ఆదివాసీ యువకుడిని అక్రమంగా విచారణ పేరుతో ఆదుపులోకి తీసుకున్నారు. తమ వెంట తీసుకువెళ్లి 3 రోజుల తర్వాత చంపేశారు. ఈ ఘటనలో ఆదివాసులు ఆగ్రహించారు. అక్రమంగా అదుపులోకి తీసుకోవడమే కాకుండా హత్య చేయడం ఏమిటని ఆందోళన చేపట్టారు. వాళ్లను చెదరగొట్టడానికి పోలీసులు, జవానులు లాఠీ ఛార్జ్‌ చేశారు. ఈ ఘటనలో అనేక మంది గాయపడ్డారు. అయినా ఆదివాసులు ఆందోళనలు విరమించుకోకపోవడంతో కటాఫ్‌ ఏరియాలో 144 సెక్షన్‌ ప్రకటించారు. కటాఫ్‌ ఏరియాలో 144 సెక్షన్‌ పెట్టడం రాజ్యాంగ విరుద్ధం.

ఇటీవలి కాలంలో ఏవోబీలో జరుగుతున్న అణచివేత పరంపరను అర్థం చేసుకోడానికి ఈ ఘటన ఒక ఉదాహరణ మాత్రమే. జగన్‌ ప్రభుత్వం, పోలీసులు అనేక మంది సాధారణ ఆదివాసులను మావోయిస్టుల పేరుతో తప్పుడు కేసుల్లో ఇరికిస్తున్నారు. కొందరు ʹసరెండర్‌ʹ అయ్యారని చూపిస్తున్నారు. దీనికి ఒప్పుకోని వాళ్ల మీద అనేక దొంగ కేసులను బనాయించి వేధిస్తున్నారు. జైళ్లపాలు చేస్తున్నారు. ఇప్పుటికి ఇలా సుమారు 20 మందికి పైగా ఆదివాసులను జెయిళ్లలో తోసేశారు. అనేక సంవత్సరాల నుంచి తమ ప్రాంతాల్లో బాక్సైట్‌ తవ్వకాలకు వ్యతిరేకంగా ఆదివాసులు బలమైన ప్రజాస్వామిక ఉద్యమం నిర్వహించారు. అయితే ఇప్పుడు జగన్‌ తన ఖాతాలో వేసుకుంటున్నాడు. చంద్రబాబు పాలనతో తాను చేసిన పోరాట ఫలితంగానే బాక్సైట్‌ తవ్వకాలు ఆగిపోయాయని ప్రచారం చేసుకుంటున్నాడు. వాస్తవానికి కంపెనీల కోసం పని చేసే ప్రభుత్వాలు, ఓట్ల పార్టీలు తాత్కాలికంగా ఏం మాట్లాడినా, ఏం చేసినా అంతిమంగా ప్రజా వ్యతిరేక వైఖరే తీసుకుంటాయి. అలాంటి విధానాలే అమలు చేస్తాయి. ఈ సంగతి ఆదివాసులకు స్పష్టంగా తెలుసు. వాళ్లలోని ఈ చైతన్యాన్ని అణచివేయడానికే జగన్‌ ప్రభుత్వం ఏవోబీలో దారుణమైన అణచివేత చర్యలకు పాల్పడుతోంది.

ఈ అణచివేత వ్యూహానికి తాజాగా ప్రభుత్వం ఆపరేషన్‌ ఆర్కే అనే పేరు పెట్టింది. సీపీఐ మావోయిస్టు అగ్రనేత ఆర్కేను టార్గెట్‌ చేసి ఈ అభియాన్‌ను కేంద్రరాష్ట్ర ప్రభుత్వాలు నడుపుతున్నాయి. బ్రాహ్మణీయ హిందూ ఫాసిస్టు మోదీ రెండోసారి అధికారంలోకి వచ్చాక ఈ అణచివేత మరింత ముమ్మరమైంది. కేంద్ర ప్రభుత్వ నాయకత్వంలో వివిధ రాష్ట్ర ప్రభుత్వాలు ఈ దాడిలో భాగమయ్యాయి. తన హిందుత్వ సాంఘిక సాంస్కృతిక విధానాలను, కార్పొరేట్లకు సంపదను దోచి పెట్టే రాజకీయార్థిక విధానాలకు యథేచ్ఛగా ముందుకు తీసికెళ్లడానికి దేశంలోని ప్రజాస్వామిక, సాంఘిక, విప్లవ శక్తుల అణచివేతను మోదీ తీవ్రం చేశాడు. 370 రద్దు, ఉపా చట్ట సవరణ, అనేక కార్మిక చట్టాల సవరణ మొదలైనవన్నీ దేశవ్యాప్తంగా పీడిత కులాల, మతాల, వర్గాల, జాతుల మీద దాడుల మీద జరుగుతున్న దాడుల్లో భాగమే.

ముఖ్యంగా తన విధానాలకు ప్రధాన అడ్డంకిగా ఉన్న విప్లవోద్యమాన్ని దెబ్బతీయడానికి ఒక్కో ప్రాంతంలో ఒక్కో స్పెషల్‌ ఆపరేషన్‌ పేరుతో కేంద్ర, రాష్ట్ర ప్రభుత్వాలు యుద్ధం ప్రకటించాయి. ఆంధ్ర, తెలంగాణ, ఒడిసా, ఛత్తీస్‌ఘడ్‌, మహారాష్ట్ర పోలీసులు కలిసి మధ్య భారత దేశంలోని విప్లవోద్యమంపై దాడి చేయడానికి గత నాలుగేళ్లుగా ఆపరేషన్‌ సమాధాన్‌ పేరుతో దాడి తీవ్రం చేశాయి. ఇటీవల పార్లమెంట్‌, వివిధ రాష్ట్రాల ఎన్నికల తర్వాత తాజాగా 2022 నాటికి విప్లవోద్యమాన్ని పూర్తిగా దెబ్బతీయాలనే లక్ష్యంతో ఆపరేషన్‌ సమాధాన్‌ను నడుపుతున్నారు. గతంలో తీసుకొచ్చిన మిషన్‌ 2016, 2017 వ్యూహాలు విఫలమయ్యాక భారత ప్రభుత్వం ఇప్పుడు ఈ సమాధాన్‌ 2022ను తెరపైకి తీసుకువచ్చింది. ఇందులో భాగంగానే ఇటీవల విప్లవోద్యమ ప్రాంతాలపై వైమానిక దాడులు చేస్తామని కూడా ప్రకటించింది. గత నెలలో జరిగిన మావోయిస్టు ప్రభావిత రాష్ట్రాల ముఖ్యమంత్రులు, డీజీపీల సమావేశంలో హోంమంత్రి అమిత్‌ షా ఇదే విషయాన్ని చెప్పారని బిఎస్‌ఎఫ్‌ డిఐజి ప్రకటించాడు. ఆపరేషన్‌ ఆర్కే అనే సరికొత్త అభియాన్‌ ఈ సమావేశంలోంచే, ఆపరేషన్‌ సమాధాన్‌ 2022 నుంచే తయారైంది. ఈ పని ఆంధ్ర, ఒడిశా పోలీసులు కలిసి చేయాలని, అవసరమైతే హెలికాఫ్టర్లు వాడాలని కూడా బిఎస్‌ఎఫ్‌ డిఐజి అన్నాడు.

నిన్న(22వ తేదీ) జరిగిన బూటకపు ఎన్‌కౌంటర్‌ ఈ అభియాన్‌లో భాగం. మొత్తంగా ఆపరేషన్‌ సమాధాన్‌ 2022లో భాగం. మౌలికంగా ఇంది ఆదివాసీ ప్రాంతాల నుంచి వాళ్లను బైటికి పంపించేసి అక్కడ ఉన్న సహజ వనరులను కార్పొరేట్లకు కట్టపెట్టే ఉద్దేశం ఇందులో ఉంది. దేశవ్యాప్తంగా పాలకవర్గ దోపిడీ రాజకీయార్థిక సాంఘిక సాంస్కృతిక విధానాలపై బలమైన విమర్శ పెడుతున్న విప్లవోద్యమాన్ని దెబ్బతీసే దీర్ఘకాలిక కుట్ర ఇందులో ఉంది. ప్రజల్లో మిలిటెంట్‌ చైతన్యాన్ని పెంచే విప్లవ శక్తులను లేకుండా చేయాలనే ఉద్దేశంతోనే మోదీ-జగన్‌ సర్కార్లు ఈ అణచివేత విధానాలు కొనసాగిస్తున్నాయి. అలాగే వేర్వేరు ప్రజా సమస్యలపై పోరాడుతున్న ప్రజాస్వామిక ఉద్యమశక్తులను కకావికలం చేయడంలో భాగంగా అనుసరిస్తున్న వ్యూహంలో ఇదంతా భాగం. ఏవోబీ ప్రాంతంలో విప్లవోద్యమ నాయకత్వంలో ఆదివాసులు సంఘటితం అవుతూ తమ హక్కుల కోసం పోరాడుతూ ఉండటం, సహజ సంపదలను పెట్టుబడిదారుల పరం కాకుండా కాపాడుతూ ఉండటం పాలకులకు కంటగింపైంది. అందుకే ఆదివాసులకు నాయకత్వం వహిస్తున్న విప్లవోద్యమాన్ని అణిచివేయడానికి ఆపరేషన్‌ ఆర్కే చేపట్టి నానా భీభత్సం సృష్టిస్తున్నారు.

అయితే దండకారణ్యంలోగాని, ఆంధ్ర-ఒడిషా సరిహద్దు ప్రాంతంలోగాని అమలవుతున్న ఈ రాజ్యహింస బైటి సమాజానికి తెలియడం లేదు. పత్రికలు చాలా అరగొరగా, అర్ధ సత్యాలతో, అసత్యాలతో రాస్తున్నాయి. ఆదివాసీ ప్రజల జీవించే హక్కుకు, పోరాడే హక్కుకు భంగం కల్గిస్తూ వేలాది మంది పోలీసులు, పారా మిలటరీ బలగాలు దాడులు చేస్తోంటే పత్రికలకు, మీడియాకు పట్టలేదు. ఇప్పుడవి ఆంధ్రప్రదేశ్‌లో పాలక, ప్రతిపక్ష పార్టీల వ్యూహాలు, ప్రతివ్యూహాల ప్రచారానికి నిస్సిగ్గుగా పోటీపడుతున్నాయి. భావ ప్రకటనా స్వేచ్ఛ పేరుతో కంపెనీల స్వేచ్ఛ కోసం, కంపెనీల ఆర్థిక రాజకీయ స్వేచ్ఛ కోసం వీధుల్లో బరితెగించి నానా వికృత విన్యాసాలు చేస్తున్నాయి. అందువల్ల ప్రజా జీవితంలో ఏం జరుగుతోందో తెలియని పరిస్థితి ఏర్పడింది. ఈ దశలో ప్రజాస్వామిక శక్తులు వాస్తవాలు తెలుసుకొని ఆదివాసీ ప్రాంతాల్లోని అణచివేతను ఖండించాలి. వాళ్ల న్యాయమైన పోరాటానికి మద్దతు తెలపాలి.

పాణి
విరసం కార్యదర్శి

23. 9.2019






No. of visitors : 1090
Type in English and Press Space to Convert in Telugu

Related Posts


వెంకయ్యనాయుడికి సిగ్గనిపించదా?

పాణి | 04.05.2017 10:53:32am

హింస మీద, ఆయుధం మీద, అంతకు మించి భయం మీద బతికే ఈ పాలవర్గాల దుర్మార్గాన్ని గర్భీకరించుకున్న ప్రజాస్వామ్యమిది. అందుకే మావోయిస్టులు ఈ ప్రజాస్వామ్యాన్ని కూల......
...ఇంకా చదవండి

రైతు - నీళ్లు

పెన్నేరు | 16.08.2016 01:10:03pm

రైతు వానలు కురిస్తే ఇట్లాంటి సమస్యలు ఎందుకు ఉంటాయి? అనుకుంటున్నాడు. ళ్లు పుష్కలంగా అందించే డ్యాంల కింద వ్యవసాయం చేసే రైతు ఇట్లా అనుకోగలడా? డెల్టా ప్రాంతం......
...ఇంకా చదవండి

ఈ తీసివేత‌లు... రాజ్యం హింసామయ నేరవృత్తిలో భాగం కాదా?

పాణి | 16.08.2016 12:59:12am

నేరం, హింస సొంత ఆస్తిలోంచి పుట్టి సకల వికృత, జుగుప్సాకరమైన రూపాలను ధరిస్తున్నాయి. ఇలాంటి వ్యవస్థను కాపాడటమే రాజనీతి. ఆధునిక రాజనీతిలో ఎన్ని సుద్దులైనా.........
...ఇంకా చదవండి

ఆజాదీ క‌శ్మీర్ : చ‌ల్లార‌ని ప్ర‌జ‌ల ఆకాంక్ష‌

పాణి | 16.07.2016 11:04:09am

కాశ్మీరంటే ఉగ్రవాదమనే ప్రభుత్వ గొంతుకు భిన్నంగా మాట్లాడి తమ దేశభక్తిని తామే అగ్ని పరీక్షకు పెట్టుకోడానికి సిద్ధపడేవాళ్లెందరు? కాశ్మీరీల అంతరాంతరాల్లో........
...ఇంకా చదవండి

వివేక్ స్మృతిలో...

పెన్నేరు | 17.09.2016 09:54:49am

వివేక్ అమరత్వం తర్వాత విప్లవంలోకి యువతరం వెళ్లడం, ప్రాణత్యాగం చేయడం గురించి చాలా చర్చ జరిగింది. ఇది చాలా కొత్త విషయం అన్నట్లు కొందరు మాట్లాడారు.......
...ఇంకా చదవండి

జీవిత కవిత్వం

పాణి | 04.06.2017 12:38:44pm

విప్లవ కవిత్వాన్ని దాని జీవశక్తి అయిన విప్లవోద్యమ ఆవరణలో మొత్తంగా చూడాలి. ఒక దశలో విప్లవ కవిత్వం ఇలా ఉన్నది, మరో దశలో ఇలా ఉన్నది.. అనే అకడమిక్‌ పద్ధతులకు వ...
...ఇంకా చదవండి

భావాలను చర్చించాలి, ఘర్షణ పడాలి...బెదిరింపులు, బ్లాక్‌ మెయిళ్లు ఎవరు చేసినా ఫాసిజమే

పాణి | 22.09.2017 01:18:31pm

ఐలయ్యగారు ఏం చేశారు? ఈ దేశ చరిత్రలో వివిధ కులాలు పోషించిన సామాజిక సాంస్కృతిక, రాజకీయార్థిక పాత్ర గురించి అధ్యయనం చేస్తున్నారు. ఇది అత్యవసరమైన సామాజిక పరి......
...ఇంకా చదవండి

కులం గురించి మాట్లాడటం రాజద్రోహమా?

పాణి | 07.10.2017 11:08:49am

ఈ సమస్య ఐలయ్యది మాత్రమే కాదు. మన సమాజంలోని ప్రజాస్వామిక ఆలోచనా సంప్రదాయాలకు, భిన్నాభిప్రాయ ప్రకటనకు సంబంధించిన సమస్య. ఇంత కాలం కశ్మీర్‌ దేశస్థుల స్వేచ్ఛ గు...
...ఇంకా చదవండి

మానవ హననంగా మారిన రాజ్యహింస

పాణి | 02.11.2016 08:47:26am

ప్రజలు ఐక్యం కాకుండా, అన్ని సామాజిక సముదాయాల ఆకాంక్షలు ఉమ్మడి పోరాట క్షేత్రానికి చేరుకొని బలపడకుండా అనేక అవాంతరాలు కల్పించడమే ఈ హత్యాకాండ లక్ష్యం.......
...ఇంకా చదవండి

నాగపూర్‌ వర్సెస్‌ దండకారణ్యం

పాణి | 17.11.2017 11:35:51pm

దండకారణ్య రాజకీయ విశ్వాసాలంటే న్యాయవ్యవస్థకు ఎంత భయమో సాయిబాబ కేసులో రుజువైంది. నిజానికి ఆయన మీద ఆపాదించిన ఒక్క ఆరోపణను కూడా కోర్టు నిరూపించలేకపోయిందిగాని, ...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

నూతన ప్రజాస్వామిక విప్లవ నేత

కామ్రేడ్ మావో "సాంస్కృతిక విప్లవంʹ అనే ఒక నూతన రూపాన్ని అభివృద్ధి చేశాడు. పార్టీలో, అధికారంలో ఉండి పెట్టుబడిదారీ మార్గాన్ని చేపట్టిన వారిని ప్రధాన లక్ష..

  • ఫ్రెడరిక్ ఏంగెల్స్ జీవిత చరిత్ర
  • విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం
  • Open letter to Krishna Bandyopadhyay
  • Naxalbari Politics: A Feminist Narrative
      వీడియోలు  
    లేటెస్ట్ పోస్టులు...
    అరుణతార ఫిబ్రవరి - 2020
    తెర ముందు కథ!
    షాహిన్ భాగ్..షాహిన్ భాగ్
    హిబా కోసం
    నాడు రెండుకళ్ళ-నేడు మూడు కాళ్ళ ముచ్చట్లు
    సత్యాన్ని చెప్పడమే రాజకీయ కవితా లక్షణం
    షాహీన్ బాగ్... ఒక స్వేచ్ఛా నినాదం
    విప్లవం నేరం కాదు. విప్లవకారుడు నేరస్తుడూ కాదు.
    అరెస్టు - అన్‌టచబులిటీ
    విప్లవ కవిత్వంలో ఈ తరం ప్రతినిధి
    నిర్బంధ ప్రయోగశాల
    అరుణతార జనవరి - 2020

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •