రష్యాని పాలిస్తున్న పెద్ద

- ఎస్. అలెక్సేయేవ్ | 16.04.2020 06:26:17pm

కొస్త్రొమా రాష్ట్రంలోని రైతు ప్రతినిధులు కొందరు ఓ రోజున కామ్రేడ్ లెనిన్ ని వెతుక్కుంటూ పెట్రోగ్రాడ్ లోని స్మోల్నీకి వచ్చారు.

కొస్త్రొమా రైతులు వ్లదీమిర్ ఇల్యీచ్ లెనిన్ కోసం అన్ని వేపులకీ చూపులు సారిస్తూ నాలుగు దిక్కులా చూశారు.

సరిగ్గా అదే క్షణాన లెనిన్ అటు నడిచివస్తూ వుండటం తటస్థించింది. రైతులు ఆయనతో యిలా అన్నారు:

"నేస్తం, యిక్కడ ʹపెద్దʹ* ఎవరు?"

ʹఎవరబ్బా అది?ʹ లెనిన్ ఎదురు ప్రశ్న వేశాడు.

ʹపెద్ద , అంటే, యిప్పుడు రష్యాని పాలిస్తున్న పెద్ద " అని రెట్టించారు రైతులు.

ʹఓ, ఆ పెద్దా?" అంటూ లెనిన్ చిరునవ్వు నవ్వాడు. వదీమిర్ ఇల్యీచ్ చుట్టూ చూశాడు. వాళ్ల వెనకపక్కకి వేలు పెట్టి చూపిస్తూ ʹఅడుగో అక్కడున్నాడు పెద్ద " అన్నాడు. ఆయన కిలాడీగా నవ్వి, తన దోవన వెళ్లి పోయాడు.

రైతులు వెనక్కి తిరిగి చూశారు: వాళ్ల వెనక నడవలో కార్మికుల బృందం ఒకటి నిలబడి వుంది. వాళ్ల వెనక కొందరు సైనికులు ఉద్రేకపూరితమైన వాగ్వాదంలో ములిగివున్నారు. ʹఅరోరాʹ ఓడకి చెందిన నావికుడొకడు నుంచుని, తాపీగా సిగరెట్టు దమ్ము లాగుతున్నాడు. అతనికి కొంచెం వెనక రైతులు అటూ యిటూ తిరుగుతున్నారు. వాళ్లు కూడా గొర్రె తోలుకోట్లు, చెవులు కప్పుకునే అంచులున్న టోపీలు, నారబూట్లే ధరించారు. వాళ్లు కూడా మూపు సంచులే పట్టుకున్నారు. ఏదో దూరప్రాంతం నుంచి వచ్చార నేందుకు యిదో కచ్చితమైన చిహ్నం.

కొస్త్రొమా నుంచి వచ్చిన రైతులు ముందు కార్మికుల కేసి, తర్వాత సైనికుల కేసి, ఆతర్వాత నావికుడి కేసి, చివరకు తోటి రైతుల కేసి చూశారు.

ʹఈ గుంపులో రష్యాని పాలించే పెద్ద వుండటం అసంభవం. ఆ గడ్డం మనిషి పొరపడివుంటాడు" అపనమ్మకంగా అనుకున్నారు వాళ్లు.

ʹఏమయ్యోయ్, ఏమిటి మీకిక్కడ పని?ʹ అంటూ అకస్మాత్తుగా వాళ్ల కొక స్వరం వినిపించింది. కార్మికుల గుంపునుంచి ఓ యువకుడు వాళ్ల దగ్గరకి వచ్చి, ʹమీరిక్కడికి రావడం యిది మొదటిసారిలాగుందే?" అన్నాడు.

ʹఔను మొదటిసారే. మేం లెనిన్ గారికోసం వెతుకుతున్నాం బాబూ.ʹ

ʹలెనిన్ గారి కోసమా?"

ʹఔను, ప్లదీమిర్ ఇల్యీచ్ కోసం.ʹ

ఆ యువకుడు రైతుల కేసి ప్రశ్నార్థకంగా చూసి యిలా అన్నాడు:

ʹఅదేమిటి, మీరు యిప్పుడేకదా లెనిన్ గారితో మాట్లాడారు!"

ఆశ్చర్యంతో రైతుల నోళ్లు తెరుచుకున్నాయి.

"ఎవరు ఆ గడ్డం మనిషా?"

"ఔను, ఆయనే" అని జవాబిచ్చాడు ఆ యువకుడు.

రైతులు లెనిన్ తో తమ సంభాషణ సారాంశాన్ని చెప్పినప్పుడు ఆ కార్మికుడు పగలబడి నవ్వాడు.

"ఆహాఁ, పెద్ద కోసం, రష్యాని పాలించే పెద్ద కోసం మీరు చూస్తున్నా రన్నమాట? అలా అయితే...ʹ సాలోచనగా అన్నాడు ఆ యువకుడు. ʹకామ్రేడ్ లెనిన్ మీకు చెప్పింది నిజమే. అలాకాక, లెనిన్ గారిని చూడాలనుకుంటే, మీరు మూడో అంతస్తుకి వెళ్లండి."

రైతులు తమ మూపు సంచుల్ని తీసుకుని బయల్దేరారు.

"ఏమోనబ్బా, నాకు యిదంతా అయోమయంగా ఉంది" అన్నాడు వాళ్లలో ఒకడు.

"నిజమే, చిత్రంగానే వుంది" అన్నాడు. రెండోవాడు.

వాళ్లిద్దరూ తమ బృందంలోని మూడోవాడి కేసి, అందర్లోకీ పెద్ద వాడి కేసి చూశారు. కాని, అతను మౌనంగా ఉండిపోయాడు. ముసిలాడు గాఢంగా ఆలోచిస్తున్నాడు. అతని నుదుటిమీది గీతలు అలల్లా ʹకదిలాయి.

"దీన్ని మనం ఎలా అర్థంచేసుకోవాలి, అఫనాసీ దనీలొవిచ్?" అంటూ ఆ రైతులు ముసిలాణ్ణి ఊదరగొట్టారు.

"ఎలాగా? సరిగ్గా వాళ్లెలా చెప్పారో అలాగే అర్థంచేసుకోవాలి" అన్నాడు ముసిలాడు. అతని ముఖంలో అకస్మాత్తుగా మందహాసం విరిసింది.

కొస్త్రొమా రైతులు మూడో అంతస్తు కెక్కి, లెనిన్ కార్యాలయాన్ని సమీపించారు.

ʹమీరెవరికోసం వెతుకుతున్నారు?" అంటూ ద్వారం దగ్గరున్న కార్యదర్శి వాళ్లని ప్రశ్నించాడు.

"కామ్రేడ్ లెనిన్."

"ఎవరొచ్చారని చెప్పమంటారు?"

ముసిలాడు తన బృందం కేసి చూసి, తన స్వరానికి ప్రాముఖ్యాన్ని కల్పించేందుకని గొంతు సవరించుకుని, తన అరచేత్తో తన గడ్డాన్ని నిమురుకుని యిలా అన్నాడు:

"ఆయనతో చెప్పు, పెద్ద వచ్చాడని, ఇప్పుడు రష్యాని పాలిస్తున్న పెద్ద వచ్చాడని."

(కామ్రేడ్ లెనిన్ 150వ జయంతి సందర్భంగా ఎస్. అలెక్సేయెవ్ ʹరష్యన్ చరిత్ర కథలూ, గాథలూʹ పుస్తకం నుండి)

No. of visitors : 230

Type in English and Press Space to Convert in Telugu

దండ‌కార‌ణ్యంలో... న‌క్స‌ల్బ‌రీ 50 వ‌సంతాల వేడుక‌లు

| 17.08.2017 12:00:37pm

న‌క్స‌ల్బ‌రీ వార‌సులైన దండ‌కార‌ణ్య మావోయిస్టు విప్ల‌వ కారులు జ‌న‌త‌న స‌ర్కార్ నేప‌థ్యంలో త‌మ‌కు తామే కాదు..దేశ వ్యాప్తంగా మైదాన ప్రాంత ప్ర‌జ‌ల‌కూ, ప్ర‌పంచ.....
...ఇంకా చదవండి

యాభై వ‌సంతాల అజేయ‌శ‌క్తి న‌క్స‌ల్బ‌రీ

విర‌సం | 19.04.2017 12:26:24pm

ఏప్రిల్ 22న శ్రీకాకుళం జిల్లా బొడ్డ‌పాడులో విర‌సం బ‌హిరంగ‌స‌భ‌. కామ్రేడ్స్ వ‌ర‌వ‌ర‌రావు, పాణి, కాశీం వ‌క్త‌లు. ...
...ఇంకా చదవండి

International Seminar on Nationality Question

AIPRF | 20.11.2018 11:30:05pm

విరసం సాహిత్య పాఠశాల

విరసం | 18.01.2017 11:20:58am

రాజకీయ, సిద్ధాంత రంగాల్లోనేకాదు, సాహిత్య కళారంగాల్లో కూడా తలెత్తుతున్న సంక్షోభాలన్నిటికీ సోషలిజమే పరిష్కారమని చెప్పవలసి ఉన్నది. ఈ స్ఫూర్తితో విరసం ఈ సాహిత్య...
...ఇంకా చదవండి

నోట్ల ర‌ద్దు ప్ర‌గ‌తి వ్య‌తిరేక‌మైన‌ది : ప్ర‌సాద్‌

ప్ర‌సాద్ | 03.03.2017 10:35:48am

విర‌సం సాహిత్య పాఠ‌శాల (11, 12 ఫిబ్ర‌వ‌రి 2017, ప్రొద్దుటూరు) లో పెద్ద నోట్ల ర‌ద్దుపై ఐఎఫ్‌టీయూ ప్ర‌సాద్ ప్ర‌సంగం...
...ఇంకా చదవండి

సాయిబాబా అనారోగ్యం - బెయిల్‌ ప్రయత్నాలు - వాస్తవాలూ - వక్రీకరణలూ

విరసం | 09.11.2017 10:58:17pm

కేవలం ఆరోగ్యం దృష్ట్యా సాయిబాబాకు బెయిల్‌ పిటీషన్‌ వేయడంలో చాల రిస్క్‌ ఉంది. ఆయన కూడ మొదటి నుంచి ఆ గ్రౌండ్స్‌ మీదనే వేయొద్దని అంటున్నాడు. లీగల్‌గా, పొలిటికల...
...ఇంకా చదవండి

సోషలిజమే ప్రత్యామ్నాయమని ఎలుగెత్తి చాటుదాం

విరసం | 24.10.2016 02:26:21pm

మానవజాతి చరిత్రలో మహాద్భుత ఘట్టం బోల్షివిక్‌ విప్లవం. ఈ నవంబర్‌ 7 నుంచి రష్యన్‌ విప్లవ శత వసంతోత్సవాలు ప్రారంభమవుతున్నాయి. చరిత్ర గతిని మార్చేసిన అనేక తిరుగ...
...ఇంకా చదవండి

ఈ పుస్తకాన్ని చదివే సాహసం చేయండి

ఫ్రాంజ్ ఫనాన్ | 18.12.2016 10:36:24am

ఇరవయ్యవ శతాబ్దంలో వలసవాదం గురించి, జాత్యహంకారం గురించిన అత్యద్భుతమైన సిద్ధాంతకర్త ఫ్రాంజ్ ఫనాన్. ...
...ఇంకా చదవండి

Women Martyrs of The Indian Revolution ( Naxalbari To 2010 ) - Part 1

| 08.05.2017 09:37:50pm

When we look at the lives of these women martyrs many things strike us as extremely significant.The NDR in India is led by the Working class and peasantry.....
...ఇంకా చదవండి

నక్సల్బరీ విశిష్టత- రాజకీయ కార్యక్రమం

పాణి | 20.05.2017 09:57:29pm

నక్సల్బరీ ఒక పంథా అని అంటున్నామంటే పార్లమెంటరీ విధానాన్ని పూర్తిగా తిరస్కరించిన సాయుధ పోరాట మార్గమని అర్థం. విప్లవం గురించి ఎన్ని రకాలుగా ఆలోచించేవారైనా.......
...ఇంకా చదవండి

ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

కార్య‌క్ర‌మాలు

అరుణ‌తార

సోష‌లిజ‌మే ప్ర‌త్యామ్నాయం