అమ్మా నా కోసం దు:ఖించకు

- సాయిబాబ | 02.08.2020 02:52:25pm

ప్రియమైన అమ్మా

నువ్వు నన్ను చూడడానికి వచ్చినపుడు
ఫైబర్ గాజు కిటికీలో నుంచి
నీ ముఖం నేను చూడలేకపోయాను
నువ్వు నా వైకల్య దేహాన్ని
చూడగలిగి ఉంటే
నేనింకా బతికే ఉన్నానని
నువ్వు నిజంగా నమ్మి ఉండే దానివి

అమ్మా నేను నీ దగ్గర లేనందుకు
దు : ఖించకు

నేను ఇంట్లో ఉన్నపుడు
బయట ప్రపంచంలో
నాకు చాలా మంది మిత్రులున్నారు

నేనీ జైల్లో అండా సెల్ లో
బంధించబడినాక
విశ్వమంతటా నాకింకెంతో మంది
నేస్తాలు లభించారు

అమ్మా క్షీణిస్తున్న నా ఆరోగ్యం గురించి
దిగులుపడకు

నా బాల్యంలో నాకొక కప్పు పాలు కూడ
నువ్వు సమకూర్చలేనపుడు
నువ్వు నీ శక్తితో, ధైర్యంతో కూడిన
మాటలతో నన్ను కుడిపావు
ఇప్పుడీ బాధలో వేదనలో
నువ్విచ్చిన ఆశ్వాసంతోనే
నేను మరింత శక్తివంతుణ్నవుతున్నాను

అమ్మా నీ ఆశల్ని వదులుకోకు

జైలు నాకు మరణం కాదు
పునర్ జననమని

అమ్మ వెళ్లిపోయింది
కొడుకును విడుదల చేయమని ఏండ్ల తరబడి

నేను అర్థం చేసుకున్నాను
నేను ఇంటికి తిరిగివస్తాను
నాకు ఆశను, ధైర్యాన్ని యిచ్చి
పోషించిన నీ ఒడిలోకి

అమ్మా

నా స్వేచ్చ గురుంచి భయపడకు

నేను పోగొట్టుకున్న స్వేచ్ఛ
ఎంతో మంది పొందిన స్వేచ్ఛ
అభాగ్యజీవులకు అండగా
నాతో పాటు నిలబడడానికి వస్తున్న
ప్రతి ఒక్కరిలో
నేను నా స్వేచ్ఛను పొందుతున్నాను

నవంబర్ 14, 2017
(నీవు ములాఖత్ లో వచ్చి జైలు కిటికీ దగ్గర నిలబడిపోయాక)
నీ కోసం ఇది ఎవరైనా అనువదిస్తారని ఆశిస్తాను. అమ్మా, నువు అర్థం చేసుకోలేని విదేశీ భాషలో రాస్తున్నందుకు క్షమించు. నన్నేం చేయమంటావు? నా శిశు త్వంలో నీ ఒడిలో నాకు నువ్వు నేర్పిన తియ్యనిభాషలో రాయడానికి నాకు ఇక్కడ అనుమతి లేదు.
ప్రేమతో
నీ శిశువు.
తెలుగు: వి.వి

No. of visitors : 216

Type in English and Press Space to Convert in Telugu

శిథిల ప్రజాస్వామ్యానికి ప్రతీక : నాగపూర్ జైల్లో చావుబతుకుల మధ్య ప్రొఫెసర్ సాయిబాబా

పి.వరలక్ష్మి | 25.03.2019 05:54:30pm

తన పరిస్థితి గురించి స్వయంగా సాయిబాబా మార్చి 19న జైలు నుండి ఒక లేఖ రాసాడు. వేగంగా క్షీణిస్తున్న తన ఆరోగ్యం, మరిన్ని క్లిష్ట సమస్యలు వచ్చి పడుతున్న స్థితి.. ...
...ఇంకా చదవండి

ఓ ఆదివాసీ అమ్మ క‌థ‌

బ‌ల్లా ర‌వీంద్ర‌నాథ్‌ | 03.11.2017 04:10:37pm

ఈ అమ్మను చూడగానే మహాశ్వేతదేవి ʹఒక తల్లి కథʹ కళ్ళముందు కదిలింది ఆ ఆదివాసీ అమ్మ పేరు ʹరిజో టిర్కిʹ. వయస్సు 55 సం.లు ఉంటుంది. అమె కొడుకే ʹవిజయ్ టిర్కిʹ దేశ వ్య...
...ఇంకా చదవండి

నాదయిన మంచు గురించి

జి.లక్ష్మీనరసయ్య | 02.11.2017 12:06:48pm

నేనెన్నో భ్రమల్ని పుట్టిస్తూ ఉంటా పుట్టించే ముందు వాటిని శ్రద్దగా చంపుతూ ఉంటా నావెనక రాజ్యం నడుస్తుందో రాజ్యం వెనక నేను నడుస్తున్నానో నాలో రాజ్యం ఉందో నేను ...
...ఇంకా చదవండి

ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

కార్య‌క్ర‌మాలు

అరుణ‌తార

సోష‌లిజ‌మే ప్ర‌త్యామ్నాయం