నా ప్రియమైన... విప్లవమా !

| సాహిత్యం | క‌విత్వం

నా ప్రియమైన... విప్లవమా !

- రాంకీ | 07.12.2016 11:56:35am

విప్లవమా విప్లవమా
నీవు లేకుండా మాకు ఊపిరి ఏదీ
ఊపిరి సలపని యాతన గా
ఊపిరి సలపని తొక్కిడిగా
ఉన్న ఈ జీవితానికి
నీవేగా ఆలంబన ఆశ్వాసనా ..
నీవు లేకుండా
ఈ పాటి బతుకైనా
మాకు సాధ్యమేనా...
నువ్వున్నావనే కదా
ఈ పాటి నిశ్చింత
ఎన్ని కన్నీళ్ళని నీలో ఇముడ్చుకుని
అనంతంగా అనిపించిన
దుఖాన్ని నీ చేతులారా నిమిరి
వెచ్చగా భుజాన్ని తట్టాకే కదా.. ఈ ధైర్యం
గుండెలకు హత్తుకుని
నీ మునివేళ్ళ తో
అనునయంగా తాకి
ʹతిరగబడి తీరందే
జరుగుబాటు లేదʹ ని
నూరి పోసింది నీవేగా...
మాలోకి నీవు ఒంపిన భరోసానే కదా
మా ఉనికి .. కొనసాగింపు ...

విప్లవమా నీవు చూడని
లోతులూ అగాథాలూ
ఎక్కని కొండలూ శిఖరాలూ
నడవని ముళ్ళ బాటలు
దాటని నదులూ సముద్రాలూ ఉన్నాయా
ఎన్ని నిదురలేని రాత్రులు
ఎన్నెన్ని ప్రశ్నలు
విమర్శలు స్వీయవిమర్శలు
ఎన్ని ఎదురు చూపులు
ఎంతటి నిరీక్షణ
ఎంత నడక మరెంత ప్రయాణం
వసంతాలు , హేమంతాలే కాదు
గ్రీష్మ శిశిరాలెన్నో
దాటి వచ్చావు కదా
కాయలు కాసిన
గాయపడిన నీ
మట్టి పాదాలను
నేను కూడా నా
కన్నీళ్ళతో కడుగుతున్నాను...

విప్లవమా, నా ప్రియమైన
ప్రియాతి ప్రియమైన విప్లవమా...
నా స్నేహమా.. నా మార్గ దర్శీ
వాడు అంతా అయిపోయిందనుకున్న
చోటల్ల నీవు
మరింత పదునైన ప్రశ్నలతో
మరింత పదునైన ఆచరణతో
పీడితుల గుండె చప్పుడుగా
మొలకెత్తుతూనే ఉన్నావు ..
విప్లవమా తాత్కాలికంగా
నీవు గాయపడి ఉండ వచ్చు ...
కానీ నీ త్యాగాల పరిమళాలు
నూతన మానవుల సృష్టి కోసం
ఈ గాలిలో పరివ్యాప్తమయిపోయాయి..
విప్లవమా నిజమే ...ముమ్మాటికి నిజమే..
నీది ఒక ఊరు కాదు
ఒక పేరు కాదు
నువ్వొక సర్వనామం
పీడిత ప్రజలంతా
నీ చిరునామా...





No. of visitors : 1151
Type in English and Press Space to Convert in Telugu

Related Posts


గాంధేయవాది మావోయిస్టు అయ్యాడు !

గజేంద్రి | 02.08.2017 10:38:04am

తన జీవితం, ప్రేమ అన్నీ సమాజం లోని ప్రజలకోసమేనని, ఆ ప్రేమ కేవలం నీకు, కుటుంబానికి పరిమితమయ్యేది కాదని" చెప్పాడు..అది తన అంకిత భావం ఆ మాటను తను చనిపోయే......
...ఇంకా చదవండి

ఆట - నీతి

రాంకీ | 18.03.2017 12:19:38pm

దోపిడి మర్మాన్ని విప్పి చెప్పే ఆటలు ఇప్పుడిక కనుగొందాం కొత్త తరాలకు ఉగ్గుపాలతో నేర్పిద్దాం శ్రమ చేస్తున్న మనుషులు ఇంకా ఊరవతలే ఉన్నారని ఆడదంటే ఆట బొమ...
...ఇంకా చదవండి

నీ చావు లిపిని .. డీకోడ్ చేస్తున్నా..

రాంకి | 15.04.2020 11:33:46pm

కరోనా, నీ రాకతో వ్యక్తిగత దూరం అనే మాట మా దేశంలో వెంటనే సామాజిక దూరంగానే అర్థమయింది.. ఉన్న దూరాలను తేలిగ్గా పెంచడానికే నీవు మరింత దోహద పడ్డావు.. ...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

భారత ప్రజల విముక్తికి మార్గం చూపిన నక్సల్బరీ రైతాంగ పోరాట లక్ష్యం - గుణపాఠాలు

నిజమైన కమ్యూనిస్టులుగా మారాలంటే విశాల ప్రజారాశులకు విద్యార్థులుగా మారాల్సి ఉంటుంది. సలహాదార్ల లాగా, సర్వం తెలిసినవాళ్లలాగా, ఉపాధ్యాయులు లేదా పండింతుల లాగా..

  • నక్సల్బరీ వీరోచిత రైతాంగం వర్ధిల్లాలి!
  • The Question of class war and annihilation of caste - New democratic revolution in Neo Colonial India
  • Students and the Revolution
  • నూతన ప్రజాస్వామిక విప్లవ నేత
      వీడియోలు  
    లేటెస్ట్ పోస్టులు...
    నలబై వసంతాల దండకారణ్యం
    అరుణతార ఏప్రిల్ - జూన్ 2020
    తారకంగారంటే..
    సరిహద్దులు కాపాడేది దేశాన్నా, యుద్ధోన్మాదాన్నా?
    అనేక హింస‌ల గురించి లోతుగా చర్చించిన ఒక మంచి కథ -ʹకుక్కʹ
    హ్యాపీ వారియర్ : సాయిబాబా అండా సెల్ కవిత్వం ʹనేను చావును నిరాకరిస్తున్నానుʹ సమీక్ష
    అస్సాం చమురుబావిలో మంటలు - ప్రకృతి గర్భాన మరో విస్ఫోటనం
    దేశీయుడి కళ
    మీరొస్తారని
    బందీ
    ఊపా చట్టంలోని అమానవీయ అంశాలపట్ల ఆందోళన వ్యక్తం చేసిన ఐక్యరాజ్యసమితి
    మనిషిని బంధించినంత మాత్రాన....

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •