నిరంతరం

- వారాల ఆనంద్‌ | 18.06.2017 12:58:11pm

ఎవడో ఎక్కడో
ట్రిగ్గర్‌ నొక్కుతాడు

బుల్లెట్లు
అడవి గుండెలో పేలుతాయి

అప్పటిదాకా
చెట్లమీదో చెట్ల నీడనో
సేద దీరిన పక్షులన్నీ
కకావికలై చెల్లాచెదరువుతాయి

చెట్లకు నిప్పంటుకుంటుంది
పచ్చదనం పోయి ఆకులన్నింటికీ
వెచ్చటి రక్తం రంగు పులుముకుంటుంది

నల్లటి పొగే మో
త్యాగాల్ని మోసుకుని
దట్టంగా ఆకాశంలోకి దూసుకెళ్తుంది

అడవులు మండి పోతాయి
తీగలూ మొక్కలూ పువ్వులూ
మాడిపోతాయి
అక్కడంతా కల్లోలమవుతుంది
కొండలూ నదులూ సెలయేళ్లూ
అనాధ లవుతాయి

కానీ అతడేమో
తన చుట్టూ
మన చుట్టూ కూడా
ప్రేమగా పుల్లల్ని నాటుతున్నాడు
పచ్చగా ఎదిగి
ఉద్యాన వనాలో మహారణ్యాలో అవుతాయని

నిరంతర నిర్మాణం
వూపిరిని నిలబెడుతూనే వుంది

No. of visitors : 505

Type in English and Press Space to Convert in Telugu

0 results

ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

సోష‌లిజ‌మే ప్ర‌త్యామ్నాయం

విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం

లేటెస్ట్ పోస్టులు...
అరుణతార ఆగస్టు 2019