ధిక్కార భాస్వరం ʹఅవుటాఫ్‌ కవరేజ్‌ ఏరియాʹ

| సాహిత్యం | స‌మీక్ష‌లు

ధిక్కార భాస్వరం ʹఅవుటాఫ్‌ కవరేజ్‌ ఏరియాʹ

- వెల్దండి శ్రీధర్‌ | 16.07.2017 08:31:51am

భూగోళం మీద కనపడని అక్షాంశాలు, రేఖాంశాల్లాగే ఈ దేశం మీద ఆధిపత్య వర్గాలు గీసిన కుల గీతలు కూడా కంటికి కనిపించవు కాని వాటి తాలూకు సెగ మాత్రం బాధితుల గుండెను తాకి మెలిపెడుతుంది. భారతదేశంలో వేల ఏండ్లుగా చాతుర్వర్ణ కుల వ్యవస్థ వేళ్ళూనుకుంది. కింది కులాల వాళ్లంతా ఐదేండ్లకు ఒకసారి వచ్చే బూటకపు ఎన్నికల్లో లైన్లో నిలబడి ఓటు వేయడానికి పనికి వస్తారు తప్ప ఇతర ఏ అధికారానికి, అభివృద్ధికి నోచుకోరు. 1980ల నుండి మొదలు పెట్టి తెలుగు సాహిత్యంలో రెండు దశాబ్దాల పాటు దళితవాద సాహిత్యం విస్తృతంగా వచ్చింది. ఆ సాహిత్యమంతా దళితుల మూతికాడి ముంతను, ముడ్డిచుట్టు కట్టుకున్న ఆకులను, కులం పేరుతో జరిగే దాడులను ప్రశ్నించింది. అంటే ఒక్క మాటలో అస్పృశ్యతను నిలదీసి అక్కడే ఆగిపోయింది. కాని నక్సలైట్లచే గ్రామీణ ప్రాంతాల నుండి తరిమివేయబడి, ప్రపంచీకరణను అందిపుచ్చుకుంటూ నగరాలకు తరలి వెళ్లిన భూస్వామ్య, పెట్టుబడిదారులు చాప కింద నీటిలాగా ప్రదర్శిస్తున్న ఆధునిక కుల వివక్షను, అస్ప ృశ్యతానంతర పరిస్థితులను ప్రశ్నిస్తూ వచ్చిన సాహిత్యం అతి తక్కువ. గత దశాబ్ద కాలపు అర్బన్‌ దళిత జీవితపు అలజడుల్ని, కుల సర్పం చిమ్మిన విషపు తీవ్రతను చిత్రించిన కథల సంపుటి డా. పసునూరి రవీందర్‌ రాసిన ʹఅవుటాఫ్‌ కవరేజ్‌ ఏరియాʹ.

గ్లోబలైజేషన్‌ అనంతర దశలో అభివృద్థి మరింత అగ్రవర్ణాలకే పరిమితమైంది. దళితులకు రిజర్వేషన్లు అందినా మల్టీనేషనల్‌ కంపెనీల్లో, రియలెస్టేట్‌, విద్యా సంస్థలు, పలు కార్యాలయాల్లో కూడా ప్రతిభకు స్థానమే లేదు. కులమే దేన్నయినా నిర్ణయిస్తుంది. ఇక్కడ కులమే ప్రమాణం. ఈ హిడెన్‌ ఎజండా అమెరికా దాకా సాగి అక్కడ కూడా పలు సంస్థలు పెట్టుకునే స్థాయికి చేరడమే గాక, వేముల రోహిత్‌ లాంటి దళిత విద్యార్థులను ఆత్మహత్యలకు పురికొల్పుతున్న విశ్వవిద్యాలయాలకు కూడా పాకింది. దీని ద్వారా దళితులు ఇంకా భౌతికంగా, మానసికంగా ʹఅవుటాఫ్‌ కవరేజ్‌ ఏరియాʹ లోనే ఉంచబడుతున్నారు. ఈ సంపుటిలోని 15 కథలు దేనికదే ఒక ప్రత్యేక కోణంలో పట్టణాల్లోని నయా దళిత వాదాన్ని వినిపిస్తాయి. కంటికి కనిపించకుండా రంగు మార్చుకున్న కుల వివక్షను పట్టిచూపుతాయి. ముఖ్యంగా ʹగోవర్ణంʹ కథ ఆధునిక మనువుగాడి విశ్వరూపాన్ని చూపెడుతుంది. ఇప్పుడు ప్రపంచం చాలా మారింది ఇంకా కులాలెక్కడియి. అంతా కలిసే తింటున్నాం. కలిసే నడుస్తున్నాం. కలిసే ఉద్యోగాలు చేస్తున్నాం అని ఎంత వాదించినా రియలెస్టేట్‌ భూములు, విల్లాలు, అపార్ట్‌మెంట్‌లు కులాల వారిగానే అమ్ముతుండడం ఆశ్చర్యం కలిగిస్తుంది. కులాన్ని బట్టే మనం ఎక్కడ ఫ్లాట్‌ కొనాలో డిసైడ్‌ అవుతుంది. అంటే నగర జీవితంలో డబ్బుతోపాటు కులం కూడా ఒక జీవన పరికరంగా పనిచేస్తుంది. కార్పోరేట్‌ యుగంలో కూడా కుల ప్రస్తావన ఎక్కడిదని అనుకుంటూనే గుట్టు చప్పుడు కాకుండా ఒక వివక్ష వెంటాడుతుంది. వేధిస్తుంది. ఆత్మన్యూనతకు గురిచేస్తుంది. ʹవేరెవర్‌ యూ గో..ʹ ఇండియన్‌ క్యాస్ట్‌ సిస్టం ఫాలోస్‌ అన్నట్లు ఎక్కడికి పోయినా కులం వెంబడిస్తూనే ఉంటుంది. ʹʹకులం లేదు గిలం లేదని మాట్లాడుతున్నవ్‌ గని పట్నంల కూడా కులముంటదే. కాకుంటే బయటికి కనిపించకుండా దాని పని అది చేస్తుంటది. దానితో దెబ్బతిన్నోళ్లకేమో అది కనిపిస్తది. దాన్ని పాటిస్తూ, ఆధిపత్యం చెలాయించే పెద్దకులపోళ్లకు అది లేనట్టుగా భ్రమింపజేస్తది. గందుకే ఇగ బాధపడేటోళ్లు బాధపడుతుంటే, బాధపెడుతున్నోళ్లు మాత్రం ఇంకా కులమెక్కడిది? అని నీతులు చెబుతుంటరుʹʹ అని కథకుడు ఓ చోట కులం అసలు రంగు ఎలా ఉంటుందో వివరిస్తాడు. నిమ్న కులాల వాళ్లు పట్టణాల్లో ఇల్లు అద్దె కోసం తిరుగుతుంటే చాలా చోట్ల ʹవెజిటేరియన్స్‌ ఓన్లీʹ అని బోర్డు కనిపిస్తుంటుంది. అంటే దాని అంతరార్థం మాదిగ, మాలలకు ఇల్లు కిరాయికి ఇవ్వమని. ఒక్క పొలైట్‌ మాటతో ʹదేవుని బిడ్డలుʹ ఎక్కడుండాలో నిర్ణయించేస్తున్నారు. పొరపాటున ఇల్లు కిరాయికి ఇచ్చినా చుట్టు పక్కల వాళ్లు నాలుగు రోజుల్లో ఏ కులమో తెలుసుకొని వ్యూహాత్మకంగా ఒంటరిని చేసి కులాన్ని గుదిబండగా మెడకు కట్టి మెదలకుండా చేస్తారు. ఈ నిశ్శబ్ద హింస తీవ్రతకు అసలు తాను మనిషినేనా అనే అనుమానం కూడా కలుగకపోదు.

ఇలా ఈ సంపుటిలోని ప్రతి కథ ఆధిపత్య వర్గాల పునాదులను కదిలించే కథ. ఇప్పుడు రెండే కులాలు ఒకటి ధనిక, మరొకటి పేద అని అనుకుంటాం కాని తెర వెనక కులం పోషించే పాత్రను, కంటికి కనిపించని రీతిలో కులం రంగు మార్చుకుంటుంటే దీన్ని చర్చకు పెట్టిన కథలివి. ఒక సాంఘిక విముక్తి కోసం సాహిత్యం చేయాల్సిన పనికి ఒక చిన్న అడుగు ఈ కథలు. అయితే దళితులతో మమేకమై జీవించే బహుజనుల గురించి కూడా కథల్లో అక్కడక్కడ ప్రస్తావిస్తే మరింత బావుండేది. అంతేగాక ఈ కథలు కేవలం మాదిగ కులాన్ని మాత్రమే పట్టించుకున్నట్టుగా కనిపిస్తుంది. మాలల గురించి కూడా చెప్తే మరింత సమగ్రత వచ్చేది. కథకుడు ఈ కథల్ని ʹతెలంగాణ దళిత కథలుʹ అన్నాడు కాని వీటిలో వాడిన భాష తెలంగాణ తెలుగుకు, సోకాల్డ్‌ ప్రామాణిక భాషకు మధ్యన ఊగిసలాడుతూ ఉంటుంది. ఇదిలా ఉంటే దళిత కథలు రాస్తూ దళిత సంస్క ృతి, బూతు పదాలు, బీఫ్‌ తినడంలాంటివి లేకుండా రాయడం కథకుని సంస్కారం అనుకోవాలా? లేక సహజత్వానికి దూరం జరిగాడనుకోవాలా? అర్థం కాదు. మొత్తంగా ఈ కథలు నవ్వుతూ నవ్వుతూనే దొంగదెబ్బ తీసే ఆధిపత్య వర్గాల నైజాన్ని, మర్యాద పూర్వకంగానే జరిగే ఒక వింత దాడిని గ్రహించాలనే ఎరుకను కలిగిస్తాయి. ఇన్నేండ్లుగా మూస ధోరణిలో సాగిన దళిత కథలను ఒక మలుపు తిప్పిన కథలివి. పట్టణ దళితుల గొంతును, ఆక్రోషాన్ని వినిపించిన కథలు. మహానగరాల్లోని ఇరుకు మనుషుల మైలను కడిగేసిన కథలుగా గుర్తించాలి. ఇంత సాంకేతిక విప్లవంలో ఉన్న మనం ఇప్పటికైనా డీక్యాస్టీఫై కావాల్సిన అవసరాన్ని నొక్కి చెప్తున్నాయి. ఆధునికత వస్తువుల్లో, వేష, భాషల్లో కాదు మనిషి సంస్కారంలో, పరివర్తనలో, ప్రయాణంలో ఉండాలని మన దళసరి చర్మాన్ని, మనసును ʹదబ్బనాలʹతో కుచ్చి మరీ చెప్తాయి. ఇంకా మారకపోతే ఆత్మలోకంలో మనల్ని వెలివేస్తాయి. నిప్పుల కుంపట్లను నెత్తి మీద కుమ్మరించి కుదిపేస్తాయి.






No. of visitors : 1338
Type in English and Press Space to Convert in Telugu

Related Posts


దు:ఖం చేత దు:ఖం కొరకు దు:ఖం వలన

డా. వెల్దండి శ్రీధర్‌ | 01.10.2018 05:23:40pm

రోజువారి జీవితం చుట్టూ ఇంత ముళ్లకంచె పర్చుకొని ఉందా అని ఆశ్చర్యపోతాం. చాలా సార్లు ఆ వాక్యాల్లో చిక్కుకుపోయి బయటకు రాలేం. ఎందుకంటే ఒక్కో పదం ఎంతో లోతుకు......
...ఇంకా చదవండి

వేయి అంచుల ʹజీవితంʹ

డా. వెల్దండి శ్రీధర్‌ | 21.12.2018 01:31:51am

ప్లవోద్యమానికి ఎంతో మంది తల్లులు తమ బిడ్డల్ని ధార పోశారు. అన్నల్లో కల్సిన తన కొడుకు సంక్రాంతి పండుగకు వస్తడని ప్రతి సంక్రాంతికి కండ్లు కాయలు కాచేలా ఎదురు......
...ఇంకా చదవండి

దళిత దృక్పథం, ధిక్కార స్వరం

డాక్టర్‌ వెల్దండి శ్రీధర్‌ | 06.12.2018 12:09:20am

ఒక ఆవేదన, ఒక దు:ఖం, ఒక ఆగ్రహం, ఒక ధిక్కారస్వరం, ఒక మెలకువ, ఒక చైతన్యం, ఒక సమ సమాజ అవగాహన, ఒక దళిత దకృథం.. ఇలా ఎన్నింటినో మన రక్తంలోకి, మన మెదడులోకి ఒంపి......
...ఇంకా చదవండి

ముస్లిం జీవితాల వాస్తవిక కథలు

డా. వెల్దండి శ్రీధర్‌ | 20.01.2019 11:40:09am

ఈ దేశంలో బహుజనులంతా అయిదు సంవత్సరాలకు ఒకసారి ఓట్లు వేసే మరయంత్రాల్లానే మిగిలిపోతున్నారు తప్పితే పూర్తి స్థాయిలో రాజ్యాధికారంలోకి రావడానికి ఇంకా చాలా రోజుల....
...ఇంకా చదవండి

సమాజ నగ్న చిత్రం ʹమట్టిరంగు బొమ్మలుʹ

డా. వెల్దండి శ్రీధర్‌ | 04.01.2019 10:50:11pm

ఏదో గాయపు సలపరాన్ని గుండె నిండా నింపుకొని కవిత్వమై కదిలిపోతున్నప్పుడు ఆయన కలం నుండి అనేక ఇమేజరీలు దొర్లిపోతాయి. ʹఊపిరి తీరంʹ, ʹనిప్పుటడుగులుʹ, ʹచీకటి... ...
...ఇంకా చదవండి

పాతబడిన దేహపు రొద ʹవృద్ధోపనిషత్‌ʹ

డాక్టర్‌ వెల్దండి శ్రీధర్‌ | 16.06.2019 10:11:38am

ప్రేయసి పాతబడుతుందేమో కాని ప్రేమ పాతబడదు. యవ్వనపు తొలివాకిట్లో నిలబడి నచ్చిన సుందరిని ఎదనిండా నింపుకున్నప్పుడు ఏదో కొత్త ......
...ఇంకా చదవండి

సాహితీ కృషీవలుడు టి. జి. ఆర్‌. ప్రసాద్‌

డా. వెల్దండి శ్రీధర్‌ | 17.05.2019 09:46:23am

బాలల కథకుడిగా సాహితీరంగంలో అడుగుపెట్టిన ప్రసాద్‌గారు 1980 - 1990 మధ్య సుమారు 510 బాలల కథలను రాసి ఒకనాటి పసి హృదయాలపైన తనదైన ముద్రవేశారు. ఈ కథలన్నీ చదివితే ఇ...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం

భారత కార్మికవర్గం కర్తవ్యం ఏమిటి? దోపిడీదారి వ్యవస్థ నుండి విముక్తికై సాగే జాతీయ విప్లవపోరాటానికి నాయకత్వం వహించవలసిన చారిత్రిక బాధ్యత కార్మికవర్గంపై..

  • Open letter to Krishna Bandyopadhyay
  • Naxalbari Politics: A Feminist Narrative
  • చారిత్రాత్మక మే 25, 1967
  • భారతదేశంపై వసంత మేఘ గర్జన
      వీడియోలు  
    లేటెస్ట్ పోస్టులు...
    ధిక్కార ప్రతీక గిరీష్‌ కర్నాడ్‌
    అరుణతార జూన్ 2019
    మహాభారతం - చారిత్రక వాస్తవాలు
    జల వనరుల సాధనకు స్ఫూర్తి
    వెన్నెల సెంట్రీలో మోదుగు పూల వాన‌
    నల్లని పద్యం
    పేకమేడలు
    Democratized Poetry
    ప్రశ్నించేతత్త్వం - బ్లాక్ వాయిస్
    ఇప్పుడు గుండె దిటువుతో నిలబడేవాళ్లు కావాలి
    Women Martyrs of The Indian Revolution ( Naxalbari To 2010 ) - Part 2
    ఆచ‌ర‌ణే గీటురాయి

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •