కవి ఎక్కడ?

- పాణి | 09.12.2017 11:50:36pm

ధిక్కారమే రచన 1

కవి సాంస్కృతిక జీవి. సంస్కృతే ఒక గీటురాయి. జీవితంలోని సంస్కృతినంతా అక్షరయమం చేసేది రచయితలే. ప్రతి అక్షరాన్ని సంస్కృతీమయం చేసేది రచయితలే. జీవితం మారుమూలల నుంచి సంస్కృతిని ఒక జాజ్వల్యమాన కాగాడాగా ఎత్తిపట్టేది కవులే. తరతరాల జీవిత సారాన్నంతా గుర్తించే శక్తి కవికి గాక మరెవరికి ఉంటుంది. రచనను ఒక సాంస్కృతిక ఆచరణగా భావించేది రచయితలే. అందుకే మరెవరికీ కనిపించని జీవితపు అగాధాలు, ఔన్నత్యాలు దర్శిస్తారు. కవి లేని సమాజానిది నేలబారుతనం. ప్రతి కాలమూ, ప్రతి సమాజమూ, ప్రతి భూ ఖండమూ కవిని నిర్మించుకుంటుంది. తన సాంస్కృతిక కంఠస్వరంగా చరిత్ర భాసించేది కవి వల్లనే. కవిని చరిత్ర తన సౌందర్య వ్యక్తీకరణగా భావిస్తుంది. అంతేకాదు, చరిత్ర తనలోని కన్నీళ్లను, ఆరాటాలను, పోరాటాలను, విజయోల్లాసాలను, భోరుమనే దు:ఖాలను కవిలోంచి ఆలకిస్తూ ఉంటుంది. అందుకే చరిత్రకారులు సహితం కవి గుండెలపై చెవియొగ్గి తాము రచించే చరిత్రలోకి ఒదగని జీవన సర్వాన్ని స్వీకరిస్తూ ఉంటారు. ఎందుకంటే మరెవ్వరికీ తెలియనిది ఏదో కవికే ఎరుక అవుతూ ఉంటుంది. జీవితపు ధిక్కారం, విశ్వాసం, అసమ్మతి, అంతులేని జీవితేచ్ఛ కవి భాషకే లంగుతుంది కాబట్టి. కవిలోంచే తిరుగులేని ప్రకటన వ్యక్తమవుతుంటుంది కాబట్టి. కవి కాలానికి ప్రతినిధి. బతుకుకే ప్రతినిధి. లోకంలో ఏది ఎందుకు జరుగుతున్నదో, ఎలా జరుగుతున్నదో కనుగొనే ఆర్తిలోంచే కవిభాష నిర్మాణమవుతుంది. కవి ఊహాలోంచి కఠోర వాస్తవ జగత్తు పునర్నిర్మితమవుతుంది. అది వాస్తవానికంటే మరింత వాస్తవికంగా ఉంటుంది. అందంగానేగాక ఒళ్లుగగుర్పొడిచే భీభత్సంగా ఉంటుంది. నిజ జీవితంలోని సాహసమంతా సాంద్రభూతమైన అక్షరమవుతుంది. పడిపోతున్న మనిషికి అక్షరం ఆసరా అవుతుంది.

కవి కించిత్‌ అహంభావి. లోకపు తీరుపట్ల అసమ్మతిదారు. కులము గలుగువాడు, గోత్రంబుగలవాడు, విద్యచేత విర్రవీగువాళ్లు... ఎందరు ఉన్నా, వాళ్ల చుట్టూ లోకం తిరుగుతున్నట్టనిపించినా కవి ఒప్పేసుకుంటాడా? చూస్తూ ఊరుకున్నాడా? ఇలాంటి వాళ్లంతా పసిడి కలుగువాని బానిస కొడుకులని అనలేదా? అసలు విషయం బైటపెట్టలేదా? నాజూకు మాటలతో సరిపెట్టుకున్నాడా? ఎవరికీ అందని అయోమయ భాష మాటున తప్పించుకున్నాడా? ఉంటే కవి అయ్యేవాడేనా? ఈ సత్య ప్రకటనలో ఎంత గొప్ప కవితా శిల్పం ఉంది? ఈ మాటలో ఎంత సౌందర్యం ఉట్టిపడుతోంది? తరతరాలకు వన్నె తగ్గని ఈ ధిక్కారం వల్ల కదా కవి అంటే ఏమిటో చాటి చెప్పింది. ఆ అహంకారమెంత ముచ్చటగొలిపేది? ఎంత విద్యుత్‌తేజమది? ఎంత శాశ్వత వాక్యమది? ఎల్లకాలాలకు ఒక కవి, కవయిత్రి చాలరుగాని, అన్ని కాలాలకు కావాల్సిన ధిక్కారపు చాలు బోసిన కవి మాట కదా అది.

మరి ఇప్పుడు కవనమెక్కడ? దాని వస్తు శిల్ప సౌందర్యమెక్కడ? అసలు కవి ఎక్కడ?

No. of visitors : 623

Type in English and Press Space to Convert in Telugu

ధిక్కార స్వరాలకు ఆహ్వానం

virasam | 09.12.2017 10:13:47am

ప్రభుత్వ తిరణాలను, బాకాభజంత్రీలను, దుప్పట్లను, తాయిలాలను తిరస్కరించే రచయితలు ఎక్కడున్నా, నిక్కచ్చిగా ఒక్క పదమైనా ఫరవాలేదు.. రాజ్యం కళ్ళలోకి చూసి తలెగరేసే కవ...
...ఇంకా చదవండి

గుండె గుర్తులు వెతుక్కుంటూ

అశోక్ కుంబము | 13.12.2017 11:37:22am

సాలు సాలులో సాగు వీరులు వరిగి పోతుంటె నీ కలంలోకి ప్రవహించిన రైతన్నల వెచ్చటి నెత్తురు అప్పుడే గడ్డకట్టిందా?! ఆపదలో అభయాన్నిచ్చే అక్షర సాహస విత్తనాలు భూమిన...
...ఇంకా చదవండి

వెలివేయబడ్డ అక్షరం

వెంకట్ కొండేటి | 13.12.2017 11:59:44am

అంటరానితనంతో వెలివేసిన నా అక్షరాల్ని ధిక్కార స్వరాలు చేసి నీ ʹజాత‌రʹలో నిన‌దించాల‌ని ఉంది...
...ఇంకా చదవండి

తెలంగాణ, తెలుగు మహా సభలు

పాణి | 05.12.2017 11:14:23pm

భాషా సంస్కృతుల విషయంలో టీఆర్ఎస్ ప్రభుత్వానికంటూ ప్రజా విధానం ఏదైనా ఉన్నదా? కోస్తాంధ్ర పాలకవర్గ సంస్కృతికంటే భిన్నమైన సాంసృతిక అవగాహన కేసీఆర్ కు ఉన్నదా? ఇం...
...ఇంకా చదవండి

బుద్ధిజీవుల క‌ర్త‌వ్యం

వరవరరావు | 16.12.2017 06:17:47pm

పోతన ప్రాంగణంలో జరుగుతున్న ఈ సభల్లో సింగభూపాలునికి పోతన తన భాగవతాన్ని అంకితం ఇవ్వడానికి నిరాకరించాడన్న విషయాన్నైనా గుర్తుపెట్టుకుంటారా! సత్కవులు హాలికులనైనన...
...ఇంకా చదవండి

క‌ళావేత్త‌లారా! మీరేవైపు?

మాగ్జిం గోర్కి | 16.12.2017 09:39:01pm

1932లో అమెరికా జ‌ర్న‌లిస్టుకి గోర్కి ఇచ్చిన ఇంట‌ర్వ్యూ( సృజ‌న ప‌త్రిక నుంచి )...
...ఇంకా చదవండి

తెలుగు మ‌హాస‌భ‌లు - కొన్నిబుల్పికలు

బమ్మిడి జగదీశ్వరరావు | 16.12.2017 09:02:30pm

వాళ్ళ చేతుల్లో గడ్డిపూచలున్నాయని అరెస్టు చేస్తరా?ʹ ʹఎందుకు చెయ్యరు?, ఆయుధాలుంటే అరెస్టు చెయ్యరా? ఉప రాష్ట్రపతి చెప్పిన్రు గదేనే?ʹ ʹఏమని?ʹ ʹతెలంగాణల గడ్డిపూ...
...ఇంకా చదవండి

దీపాలు ఆర్పేసి ప్రతెమ!

బమ్మిడి జగదీశ్వరరావు | 16.12.2017 08:12:48pm

ʹపంతొమ్మిది వందల డబ్బైయ్యయిదులో అంతే కదా? జలగం వెంగళరావు వారసత్వం..!ʹ ʹదీపాలు యెక్కడ యల్బీ స్టేడియంలోనేనా పెట్టింది..?ʹ ʹకాదు, భద్రాద్రి జిల్లా కొత్తగూడెం.....
...ఇంకా చదవండి

పాలక వర్గ ప్రపంచ తెలుగు మహాసభల్ని బహిష్కరిద్దాం

విర‌సం | 07.12.2017 12:39:17am

అగ్రకుల, భూస్వామ్య, దళారీ పాలకులు బ్రాహ్మణీయ సంస్కృతిని, భాషను, భావజాలాన్ని ప్రచారం చేయడానికి ఈ సభలను ఉపయోగించుకుంటున్నారు. ప్రజా నిరసనను దారి మళ్లిండానికే...
...ఇంకా చదవండి

ప్రతివాది

పాణి | 11.12.2017 12:04:02pm

ఎవరో గీచిన గళ్లలో కవిత్వం రాయని కవులు లోకపు గళ్లలో మాత్రం ఎందుకు ఉంటారు? లోకపు విధి విధానాలను, రీతి రివాజులను తిరస్కరిస్తారు. ఈ లోకపు మంచి మన్ననలను తోసిపుచ్...
...ఇంకా చదవండి