రెక్కల గూడు

| సాహిత్యం | క‌విత్వం

రెక్కల గూడు

- అరసవిల్లికృష్ణ | 19.05.2018 08:44:01am

ఖాళీ ఆకాశం నుండి వాలిన పావురం
తన భాషను మరిచింది
మబ్బుల చాటున పిట్టలా వొదిగిన పావురం
నీడల్ని చూచి భయపడుతున్నది
ఎవరు పలకరించినా
మృదువుగా చేయి వేసినా
ఏది గుర్తుకు రాని
చలన రహిత రెక్కల జీవితం
దిగులు నిండిన సాయంకాల చీకటి లో
వెలుగుకై ఆరాట పడిన గొంతుక
రహదారిపై విరిసిన గరికపూల
నిర్జనశరీరం కోసం
ఎదురు చూచిందో
అందర్నీ వదిలి
రెక్కల్ని తోడు తీస్కొని
అనేక పావురాల మూగ సభాంషల్ని వదిలి
చెట్టు నీడకై తపించి వుంటుంది
ఎగిరినంత మేర
ధాన్యపు గింజలను వెతికింది
ఎర్రని సూర్యోదయం లో
ఒకనాటి పావురం ఎదురవుతుందని
సమస్తాన్ని గాలించింది-
వెతుకులాట లో ఆకల్ని మరిచింది
ఆకాశం అదృశ్యమయినాక
నేలపై రెక్కలను ఆనించింది
నీడల్ని వెతికింది
భయం నుండి తేరుకొని
గర్భాశయం నుండి జారిన
శిశువులను వెతికింది
ఆకాశం సాక్షి గా
గుంపు లో తప్పి పోయిన పావురం
జాడల్ని వెతుకు తుంది
చిత్రకారుని ఆకాశం మాయమయినాక
నిశ్శబ్ధ నిశీధి లో
కీచుగొంతుక కలవరం లో
పావురం కన్నీటి ధారలో
కనబడు తున్నాడా మానవీ- మానవులు
కిరణాల వేడి తగ్గాక
మనుషులు నడిచి వస్తున్నారా పావురం దగ్గరికి
నడి రోడ్డు పై నలిగిన బంతి పూల మొక్కలా-
పావురం వెతుకులాట పూర్తి కాలేదని
ఆకాశం నిండా పరుచుకున్న వెన్నెల లో
తెగిన పాదాల చప్పుడు లో

ఏమయినావు పావురాయి
నీడల్ని- జాడల్ని మరిచిన మనుషులు కి
తూర్పు దిక్కున ఎర్రని కాగడా వుందని
నీ కళ్ళతో చెప్పలేక పోయావా-
పొలికేక వినబడుతుందని
పావురాలు సముద్రమయినాయని
పెనుకేక లా ఎగురుతున్నవని-
నివురు గప్పిన నిప్పు నుండి
ఎర్రమందారం పాట పాడుతుంది
గాయకుడు శరీరాన్ని వదిలి
గానం లా నిలబడ్డాడు
చలి మంచులో
వేణువు బధ్ధలయినాక
పినలగర్ర నుండి
రాగం వుబికి వస్తున్నప్పుడు
పావురం నెత్తిపై మొలిచిన ఆయుధాన్ని
గాయకుడు సానబెడుతున్నాడు
ఇంతసేపు
పావురం గురించి
మాట్లాడాను అనుకున్నారు కదా
ఆదివాసీ గొంతులో స్రవిస్తున్న
ఆయుధ గానం గురించి చెప్ప బోయి
ఏభై ఏళ్ళ వసంతం వెలుగుల మధ్య
పావురం గురించి మాట్లాడాను





No. of visitors : 393
Type in English and Press Space to Convert in Telugu

Related Posts


0 results

ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

Open letter to Krishna Bandyopadhyay

As a woman comrade, I can confidently say that women in the party and army have made rapid and genuine advances, winning their rightful place in the revol..

  • Naxalbari Politics: A Feminist Narrative
  • చారిత్రాత్మక మే 25, 1967
  • భారతదేశంపై వసంత మేఘ గర్జన
  • తొలి విప్లవ మహిళలకు జేజేలు..!!
      వీడియోలు  
    లేటెస్ట్ పోస్టులు...
    కోలుకొండ దళితుల భూ పోరాటానికి విరసం సంఘీభావం
    అరుణ‌తార - జూన్ 2018 సంచిక‌
    కందికట్కూరు దళితుల దారుణహత్యను నిరసిద్దాం
    కామ్రేడ్ వరవరరావుపై కుట్ర ఆరోపణలను ఖండిస్తున్నాం
    న్యాయంకోసం పోరే వాళ్లకు సంకెళ్లు
    ఈ తీర్పు సారాంశమేమిటి?
    ఆధిప‌త్యంపై అలుపెర‌గ‌ని పోరాటం
    సీమేన్ - వ్యక్తి , ప్రకృతుల నిజదర్శనం
    ఈ దేశం మాకు యుద్ధాన్ని బాకీపడింది
    ఔను... వాళ్లు చామన ఛాయే!
    మునిపటికన్నా విప్లవాత్మకంగా కార్ల్ మార్క్స్
    గాలి కోసం, నీరు కోసం, ఈ భూమ్మీద బతుకు కోసం...

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •