కాలా ఎందుకు చూడాలి ?

| సాహిత్యం | క‌థ‌లు

కాలా ఎందుకు చూడాలి ?

- నల్లూరి రుక్మిణి | 03.07.2018 01:59:24pm

ఇది ఒక గొప్ప సినిమా అని కాదు. కథను ఉత్కంఠభరితంగా నడిపాడనీ కాదు. సెకండ్‌హాఫ్‌లో మామూలు మసాలానే. ʹకాలాʹ ʹʹఅదృశ్యంʹʹ నుండి దిగి కథను విజయవంతం చేయడం అంతా మామూలే. ʹనాయకన్‌ʹకి కాపీలాగా వున్నదని ఒక మాట కూడా అన్నారు.

అయినా ʹకాలాʹ చూడాలి. ఎందుకంటే తీసుకున్న సమస్య కొత్తదేమీ కాదు. గుడిసెవాసుల సమస్య. చాలా తెలుగు కథల్లో కూడా వుండి వుండవచ్చు. కాని ఆ గుడిసెవాసుల పోరాట సందర్భంగా దాన్ని భూమి సమస్యగా వ్యక్తీకరించడం ఈ సినిమాలోని విశేషం.

సినిమా టైటిల్స్‌లోనే తరతరాలుగా ʹభూమి కోసంʹ యుద్ధాలు జరిగాయని రేఖామాత్రంగా చరిత్రను వ్యాఖ్యానించడంతో సినిమా ప్రారంభమవుతుంది. అక్కడి నుండి ఆ పోరాట సందర్భంలో విలన్‌ కనిపించే ఒక దృశ్యంలో అమరుల స్తూపాల పోలికలున్నట్లుగా ఓ పక్కగా చూపించాడు. అక్కడే వెనకగా ʹదండకారణ్యʹ అనే టాగ్‌ కనిపిస్తుంది. ఇది జాగ్రత్తగా గమనిస్తేగాని కంటపడదు. అయితే దాని గురించి కాదుగాని - ʹభూమి మీకు అధికారంʹ ʹభూమి మాకు హక్కుʹ ʹభూమి మీకు సంపదʹ ʹభూమి మాకు జీవితంʹ వంటి సంభాషణలు - అది గుడిసెవాసుల పోరాటమే కావచ్చుగాని నేలకు సంబంధించిన సార్వజనీన పోరాట సంకేతంగా వినిపిస్తుంది.

అలాగే మరోక ముఖ్యమైన అంశం మతం రాజకీయం ఎంతగా కలిసిపోతాయో చూపించడం. నిజానికి ఆ విలన్‌ ఎవరూ నిర్దిష్టంగా చెప్పడు? కాని అతని ఓ పెట్టుబడిదారుడు. అనధికార గూండా లీడర్‌. రాజకీయ నాయకులను పురుగును తీసేసినట్లు మాట్లాడతాడు. మామూలుగానే అన్ని అఘాయిత్యాలు చేయిస్తూ వుంటాడు. అతనికి ప్రత్యక్షంగా పరోక్షంగా మతశక్తులు ఎలా ఉపయోగపడతాయో చూపిస్తాడు. ఆ పాత్రలు అవి చూస్తూంటే అంతా ఎవరో తెలిసిన మనుషుల్లాగే మనం రోజు తిట్టుకునే సంస్థ గూండాలే అక్కడ వున్నట్టు అర్థమవుతుంది. అట్లా మతం, రాజకీయాలు కలగలసి ఎవరి పక్షాన వున్నాయో స్పష్టంగా చూపిస్తాడు.

మూడోది తెలుపు నలుపు రంగు చర్చ ద్వారా అది ఆర్య ద్రావిడ చర్చ కావచ్చు, ఉత్తర దక్షిణ భారతదేశాలు చర్చ కావచ్చు లేదా దళిత బ్రాహ్మణీయ అగ్రకుల తారతమ్యమూ కావచ్చు. ఆ ʹకాలాʹ మనుషుల నలుపు కింద తెల్లరంగువాళ్లంతా నలిగిపోతారని చివరి సీనులో నలుపుని తెరంతా ఆక్రమింపచేసి ముగించటం దానికదే ఓ సంకేతం, ఓ సానుకూలాంశం.

అట్లా ఈ నేలమీదా, తెల్లతోలు దాష్టీకంమీదా, మత రాజకీయాలపట్ల నిరసనగా చూపించిన ఈ సినిమా సామాన్యజనానికి అవసరమైంది. సూపర్‌ స్టార్‌ వున్నాక దానికుండే పరిమితులు ఎన్నో వున్నప్పటికీ ʹకాలాʹ చూడదగినది. ఆలోచనలకు ప్రేరకమైందీనూ.





No. of visitors : 524
Type in English and Press Space to Convert in Telugu

Related Posts


ఇప్పుడెందుకీ ʹబాహుబలిʹ

నల్లూరి రుక్మిణి | 17.11.2017 11:57:57pm

రాజమౌళి ఇంజనీర్‌ కాదు, శాస్త్రవేత్తకాదు, కనీసం కళాకారుడు కాదు - సామాజిక స్పృహ అసలే లేనివాడు. కేవలం తన సొంత కీర్తికోసం అన్ని విలువలను తుంగలో తొక్కి సినిమా .....
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం

భారత కార్మికవర్గం కర్తవ్యం ఏమిటి? దోపిడీదారి వ్యవస్థ నుండి విముక్తికై సాగే జాతీయ విప్లవపోరాటానికి నాయకత్వం వహించవలసిన చారిత్రిక బాధ్యత కార్మికవర్గంపై..

  • Open letter to Krishna Bandyopadhyay
  • Naxalbari Politics: A Feminist Narrative
  • చారిత్రాత్మక మే 25, 1967
  • భారతదేశంపై వసంత మేఘ గర్జన
      వీడియోలు  
    లేటెస్ట్ పోస్టులు...
    ఇది హిందూ న్యాయస్థానం ప్రకటించిన ఫాసిస్టు తీర్పు.
    అరుణతార నవంబర్ 2019
    ఒక చిన్న అమ్మాయి రాసిన మంచి కథ " భూమి "
    నేను జీవితాన్ని అమితంగా ప్రేమిస్తాను
    సముద్రం ఇంకా బతికేవుంది
    డెన్ ఆఫ్ లైఫ్
    వాళ్ళు
    ప్రజా కళాకారుడా
    వసంతమేఘగర్జన - కార్మికోద్యమాలు
    తెలుగు రాష్ట్రాల వ్యవసాయరంగం - 50 ఏళ్ళ విప్లవోద్యమం
    సీమకవి వినూత్ననిరసన ʹʹలైఫ్‌హాలిడేʹʹ
    పడగ కింద పండు వెన్నెల!

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •