అంటరాని ప్రేమ

| సంపాద‌కీయం

అంటరాని ప్రేమ

- పాణి | 22.09.2018 11:55:43am

సొంత విషయమే. ఎంతగా సామాజిక కర్కశత్వం వెల్లడైంది? ఏ విశ్లేషణ అక్కర్లేనంతగా ఈ వ్యవస్థ తన అమానవీయతను చాటుకుంది. కన్న కూతురు జీవితాన్ని నెత్తురు..కన్నీట ముంచడానికి ఒకడు కోటి రూపాయిులు కిరాయి ఇవ్వవచ్చు. మరొకడు తానే కత్తిపట్టుని రావచ్చు. కన్న కూతురునో, ఆమె కట్టుకున్నవాడినో నరికేయవచ్చు.

ప్రేమ కదా? బహుశా మానవజాతి తన ఐతిహాసిక కావ్యాలను, సుందరమయ కళలను, పరంపరాగతంగా ఎడతెగని సౌందర్యాలను అల్లుకుంటూ ఇక్కడి దాకా చేసిన అన్వేషణకు ప్రేమ కొంతైనా చోదకం కాదా? సొంతమనిపిస్తుంది కాని ప్రాకృతికం. అందుకే అది అందమైనది, అంతులేని ఊహాత్మకమైనది.

అదే సమయంలో సామాజికమైనది. మనమెరిగిన ప్రేమ కథలన్నిటిలో ప్రేమ ఎంత ఉంటుందో, దాన్ని కాదని, ఔనని చెప్పే సమాజం అంతకంటే ఎక్కువ ఉంటుంది. సమాజం ఉన్నదంటే దాని సకల స్వభావాలు మోహరించినట్లే. ప్రేమే నేరమౌనా అనుకుంటాం. ఇది నేరమయ వ్యవస్థ కదా? ప్రేమకు కులమేమిటి? అనుకుంటాం. కానీ ఇది పరమ దుర్మార్గమైన కుల వ్యవస్థ కదా? ప్రేమ ఇద్దరు వ్యక్తుల వ్యవహారమే కావచ్చు. కానీ కులం ఒప్పుకోదు. జొరబడుతుంది. ఎందుకంటే కులం ఒక సంబంధం. కుల సంబంధాల రీతిరివాజు మీదే మరే సంబంధమైనా ఉండాలి. దానికి భిన్నమైన సంబంధాన్ని నిర్మించాలని చూస్తే అది ఆ మనుషులను ధ్వంసం చేస్తుంది. సాటి మనిషితోనే చేయిస్తుంది. కన్న వాడైనా సరే కులనీతిని కాదంటే కత్తి సంధిస్తాడు. కులాన్ని కాదంటే పరువు తీసేయడమే. ఆ పని ఎవరు చేసిని మరణమే ప్రతిఫలం. ఇది ధర్మం కూడా. పది మందిలో పోయిందనుకుంటున్న పరువును కాపాడుకోడానికి ఇంతగా బరితెగిస్తున్నారు. ఇది కేవలం తనను కాదన్నందుకు, తన కులాన్ని కాదనందుకు ప్రతిక్రియ మాత్రమే కాదు. లోలోపల తాను చేస్తున్న పని సరైందే అనే భావన లేకపోతే మారుతీరావు కోటి రూపాయిులు ఇచ్చి అల్లుడు ప్రణయ్‌ను హత్య చేయించేవాడు కాదు. మనోహరాచారి కూతుఋ మాధవిని నరికి చంపాలని చూసేవాడు కాదు.

కులం దుర్మార్గాన్ని అక్కడ చూడాలి. కింది కులంతో సంపర్కం పెట్టుకుంటే కూతుర్నయినా, పెట్టుకున్నందుకు అల్లుడ్నయినా, అడ్డం వస్తే ఇంకెవరినైనా నరికేయడం సరైందే అనే భావన కులనీతిలోని అమానుషత్వానికి పరాకాష్ఠ. తరతరాలుగా సాటి మనుషులను జంతువుకన్నా హీనంగా చూడటం ʹమామూలే కదాʹ అని అగ్రకులాలు అనుకుంటూ వస్తున్నాయి. ఇది సహజమనీ, సరైందే అనీ కులవ్యవస్థ స్థిరీకరించింది. దాన్ని అధిగమించిన వాడ్ని తెగనరకడం కూడా అంతే సహజమనే భావన లేకపోతే ఇలాంటి హత్యులు చేయడం సాధ్యమేనా? చట్టం దృష్టిలో నేరం కావచ్చు, కానీ కులం విషయంలో న్యాయమే.. అనే వైఖరి లేకుంటే ఈ బరితెగింపు ఎక్కడి నుంచి వస్తుంది?

ప్రణయ్‌ని మారుతీరావు హత్య చేయడాన్ని ʹఅయితేʹ, ʹకానీʹ అనే మాట చాటున సమర్థించడం కూడా చూస్తున్నాం. ఇలా మాట్లాడుతున్న వాళ్లను ఎవరూ వచ్చి మీ అభిప్రాయం చెప్పమని బలవంతం చేయలేదు. ఇలాంటి వైఖరి చెప్పడం వల్ల వాళ్లకు వ్యక్తిగత లాభాలు కూడా ఉండకపోవచ్చు. కానీ ఏ జంకుబొంకు లేకుండా ఈ మాట అంటున్నారంటే ఒక అగ్రకులం అమ్మాయిని ప్రేమించి పెళ్లాడిన వాడ్ని నరికేయడం సరైందే అనే భావన ఎంతగా ఇంకిపోయి ఉండాలి?

కులం వేళ్లు ఏళ్లుగా బతికి బట్ట కట్టడానికి అనేక భౌతిక ఆధారాలతోపాటు ప్రజల మనస్సులోని ఈ భావన కూడా ప్రధాన కారణం. కులం వ్యక్తమయ్యే తీరునే కాదు, అది పదే పదే పునరుత్పత్తి అవుతున్న తీరును కూడా జాగ్రత్తగా పసిగట్టాలి. కుల వ్యక్తీకరణలు ఎంత ఘోరంగా, దుర్మార్గంగా ఉంటాయో చెప్పడానికి పెద్ద సిద్ధాంత చర్చలు అక్కర్లేదు. దినపత్రికల వార్తలు చదివితే చాలు దేశంలో ఎన్నెన్ని పాత, కొత్త రూపాల్లో కులం ఎట్లా వ్యక్తమవుతున్నదో చెప్పవచ్చు. అవన్నీ ఒళ్లుగగుర్పొడిచేలా ఉంటాయి.

కానీ చాలా యథాలాపంగా కులం చెలామణి అయ్యే సందర్భాలు అనేకానేకం ఉంటాయి. అక్కడేమీ ఉండదు. కులం మాత్రం ఉంటుంది. కులానికి ఆమోదాన్ని సమకూర్చే యానకం దట్టంగా ఉంటుంది. కులం మరెక్కడికంటే ఎక్కువగా పునరుత్పత్తి అయ్యేది ఇక్కడే. ఎంత విస్తృత సామాజిక జీవితం ఉన్నా పెళ్లిళ్ల దగ్గరికి వచ్చేసరికి అది కులం లోపలే జరిగే మామూలు విషయమైపోతుంది. ఎవరైనా ఈ హద్దుల్ని దాటితే తప్పు కదా? అని అంతే యథాలాపంగా అనేస్తారు.

ఈ ప్రపంచానికి బైట ఉంటున్నది అత్యల్ప సంఖ్యాకులే. గరిష్టంగా దానికి లోపల ఉన్నారు. అలా ఉంటున్నామని కూడా తెలియకుండా యథాలాపంగా ఉండిపోవడం దానికదే ఒక కచ్చితమైన సామాజిక స్థితి. ఇది కులవ్యవస్థ వల్ల పుట్టింది. కులానికి బైటి వ్యవస్థల్లో ఎన్నెన్ని పెను మార్పులు జరుగుతున్నా కులవ్యవస్థ మాత్రం పైన చెప్పిన సామాజిక స్థితిని, దానికి సంబంధించిన మన:స్థితిని తయారు చేస్తూనే ఉంది.

ఈ మన:స్థితి వల్లనే కులం కొనసాగుతున్నదని అనుకోవడం కుదరదు కాని దీని పాత్రను ఏ మాత్రం తక్కువ చేయడానికి లేదు. ఈ మన:స్థితి కింద మరో కులం ఉన్న ప్రతి పైకులానికి ఉన్నది. అంటరానికులాల మీద ఆ పై కులాన్నిటికీ ఉన్నది. మొత్తంగ అగ్రకుల ప్రయోజనాల కోసం బ్రాహ్మణ్యంలో ఉన్నది.

దళిత కులాల చైతన్యం ఈ స్థితి మీద తీవ్ర విమర్శ పెడుతోంది. ఆధునిక భారతదేశ చరిత్రలో ఇంతగా గతంలో ఎన్నడూ లేదు. బ్రాహ్మణ్యం తన పట్టు నిలబెట్టుకోడానికి చేయరాని దుర్మార్గాలకు పాల్పడుతోంటే అంటరానికులాల చైతన్యం దాన్ని ప్రతిఘటిస్తున్నది. ఈ క్రమంలో సమాజం సున్నితమవుతోంది. ఒక పక్క ఈ వ్యవస్థ గడ్డగట్టిపోతున్నదని, అమానవీయంగా తయారవుతున్నదని చెప్పడానికి ఎన్నో ఆధారాలు కళ్ల ముందే ఉన్నాయి. ఇది నిజం. కానీ ఇంకో పక్క వ్యవస్థీకృత దుర్మార్గాల మీద అట్టడుగు కులాల విమర్శ పెరిగే కొద్దీ సమాజం సెన్సిటైజ్‌ అవుతోంది.

దీనికి ప్రణయ్‌`అమృత, సందీప్‌, మాధవి .. ఉదంతాలే ఉదాహరణ. ఈ ఘటనల్లో చాలా పెద్ద ప్రతిస్పందన వచ్చింది. గతంలో కూడా ఇలాంటి అమానుషాలు చాలానే జరిగాయి. ఎప్పటికంటే ఈసారి చాలా కదలిక వచ్చింది. ఎందరో సున్నితంగా ఆలోచిస్తున్నారు. ఆవేదన చెందుతున్నారు. సామాజిక విషయాలను ఆలోచించేవాళ్లు, చైతన్యవంతంగా విశ్లేషించుకొనే వాళ్లూ పెరుగుతున్నారు. ఆవేదనతోనో నిందితులను ఎన్‌కౌంటర్‌ చేయాని, ఉరితీయాలని డిమాండ్‌ చేస్తున్నవారు కూడా ఉన్నారు. ఇందులో దళిత ఉద్యమా చుట్టూ ఉన్నవారే ఎక్కువ. నేరం-చట్టం, రాజ్యం-కులం ,సొంత ఆస్తిలాంటి వాటి గురించి తెలియకపోవడం దీనికి కారణం. ఉరితీత అనే మధ్యయుగాల శిక్షాస్మృతికి కులవ్యవస్థకు ఉన్న సంబంధం తెలియకపోవడం కూడా కారణం. ఇది ఆ ఉద్యమాలకు ఉన్న పరిమితి.

విషాదకరమైన ఈ రెండు ఘటనల సందర్భంలో కొందరైనా ప్రేమ గురించి చాల బాధ్యతగా, సున్నితంగా మాట్లాడుతున్నారు. యువతీ యువకుల వ్యక్తిగత ప్రేమను సహితం ఇలా ఆలోచించడం కూడా భవిష్యత్‌ పట్ల ఒక ఆశను నింపుతోంది. ఈ వ్యవస్థ ఇంకా మానవ సహజ స్పందనలను మనకు మిగిల్చింది. దాన్ని కాపాడుకోవాలి. పెంచుకోవాలి.





No. of visitors : 382
Type in English and Press Space to Convert in Telugu

Related Posts


వెంకయ్యనాయుడికి సిగ్గనిపించదా?

పాణి | 04.05.2017 10:53:32am

హింస మీద, ఆయుధం మీద, అంతకు మించి భయం మీద బతికే ఈ పాలవర్గాల దుర్మార్గాన్ని గర్భీకరించుకున్న ప్రజాస్వామ్యమిది. అందుకే మావోయిస్టులు ఈ ప్రజాస్వామ్యాన్ని కూల......
...ఇంకా చదవండి

ఈ తీసివేత‌లు... రాజ్యం హింసామయ నేరవృత్తిలో భాగం కాదా?

పాణి | 16.08.2016 12:59:12am

నేరం, హింస సొంత ఆస్తిలోంచి పుట్టి సకల వికృత, జుగుప్సాకరమైన రూపాలను ధరిస్తున్నాయి. ఇలాంటి వ్యవస్థను కాపాడటమే రాజనీతి. ఆధునిక రాజనీతిలో ఎన్ని సుద్దులైనా.........
...ఇంకా చదవండి

ఆజాదీ క‌శ్మీర్ : చ‌ల్లార‌ని ప్ర‌జ‌ల ఆకాంక్ష‌

పాణి | 16.07.2016 11:04:09am

కాశ్మీరంటే ఉగ్రవాదమనే ప్రభుత్వ గొంతుకు భిన్నంగా మాట్లాడి తమ దేశభక్తిని తామే అగ్ని పరీక్షకు పెట్టుకోడానికి సిద్ధపడేవాళ్లెందరు? కాశ్మీరీల అంతరాంతరాల్లో........
...ఇంకా చదవండి

రైతు - నీళ్లు

పెన్నేరు | 16.08.2016 01:10:03pm

రైతు వానలు కురిస్తే ఇట్లాంటి సమస్యలు ఎందుకు ఉంటాయి? అనుకుంటున్నాడు. ళ్లు పుష్కలంగా అందించే డ్యాంల కింద వ్యవసాయం చేసే రైతు ఇట్లా అనుకోగలడా? డెల్టా ప్రాంతం......
...ఇంకా చదవండి

వివేక్ స్మృతిలో...

పెన్నేరు | 17.09.2016 09:54:49am

వివేక్ అమరత్వం తర్వాత విప్లవంలోకి యువతరం వెళ్లడం, ప్రాణత్యాగం చేయడం గురించి చాలా చర్చ జరిగింది. ఇది చాలా కొత్త విషయం అన్నట్లు కొందరు మాట్లాడారు.......
...ఇంకా చదవండి

భావాలను చర్చించాలి, ఘర్షణ పడాలి...బెదిరింపులు, బ్లాక్‌ మెయిళ్లు ఎవరు చేసినా ఫాసిజమే

పాణి | 22.09.2017 01:18:31pm

ఐలయ్యగారు ఏం చేశారు? ఈ దేశ చరిత్రలో వివిధ కులాలు పోషించిన సామాజిక సాంస్కృతిక, రాజకీయార్థిక పాత్ర గురించి అధ్యయనం చేస్తున్నారు. ఇది అత్యవసరమైన సామాజిక పరి......
...ఇంకా చదవండి

మానవ హననంగా మారిన రాజ్యహింస

పాణి | 02.11.2016 08:47:26am

ప్రజలు ఐక్యం కాకుండా, అన్ని సామాజిక సముదాయాల ఆకాంక్షలు ఉమ్మడి పోరాట క్షేత్రానికి చేరుకొని బలపడకుండా అనేక అవాంతరాలు కల్పించడమే ఈ హత్యాకాండ లక్ష్యం.......
...ఇంకా చదవండి

జీవిత కవిత్వం

పాణి | 04.06.2017 12:38:44pm

విప్లవ కవిత్వాన్ని దాని జీవశక్తి అయిన విప్లవోద్యమ ఆవరణలో మొత్తంగా చూడాలి. ఒక దశలో విప్లవ కవిత్వం ఇలా ఉన్నది, మరో దశలో ఇలా ఉన్నది.. అనే అకడమిక్‌ పద్ధతులకు వ...
...ఇంకా చదవండి

కులం గురించి మాట్లాడటం రాజద్రోహమా?

పాణి | 07.10.2017 11:08:49am

ఈ సమస్య ఐలయ్యది మాత్రమే కాదు. మన సమాజంలోని ప్రజాస్వామిక ఆలోచనా సంప్రదాయాలకు, భిన్నాభిప్రాయ ప్రకటనకు సంబంధించిన సమస్య. ఇంత కాలం కశ్మీర్‌ దేశస్థుల స్వేచ్ఛ గు...
...ఇంకా చదవండి

నాగపూర్‌ వర్సెస్‌ దండకారణ్యం

పాణి | 17.11.2017 11:35:51pm

దండకారణ్య రాజకీయ విశ్వాసాలంటే న్యాయవ్యవస్థకు ఎంత భయమో సాయిబాబ కేసులో రుజువైంది. నిజానికి ఆయన మీద ఆపాదించిన ఒక్క ఆరోపణను కూడా కోర్టు నిరూపించలేకపోయిందిగాని, ...
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం

భారత కార్మికవర్గం కర్తవ్యం ఏమిటి? దోపిడీదారి వ్యవస్థ నుండి విముక్తికై సాగే జాతీయ విప్లవపోరాటానికి నాయకత్వం వహించవలసిన చారిత్రిక బాధ్యత కార్మికవర్గంపై..

  • Open letter to Krishna Bandyopadhyay
  • Naxalbari Politics: A Feminist Narrative
  • చారిత్రాత్మక మే 25, 1967
  • భారతదేశంపై వసంత మేఘ గర్జన
      వీడియోలు  
    లేటెస్ట్ పోస్టులు...
    అరుణ‌తార - మే 2019
    ఎర్ర‌జెండా - కార‌ల్‌మార్క్స్
    ర‌చ‌న - స్వేచ్ఛ - ప్ర‌జాస్వామ్యం
    వివి, ఆయన సహచర అర్బన్‌ మావోయిస్టు ఖైదీలతో ఆ కొన్ని ఘడియలు
    159 కేసులను ఎదుర్కొన్న ఒక మహిళా నక్సలైట్ కథ
    ఒక వికృతి
    ఎవ‌రు పాస‌ర‌య్యార‌ని?
    స్త్రీ సాధికారత కోసం సమానత్వం కోసం డిమాండ్ చేస్తున్న ʹ నీలి గోరింటʹ
    స‌త్యాన్ని స‌మాధి చేసే కుట్ర‌
    విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం
    వరవరరావు, ప్రొ. సాయిబాబా తదితరుల విడుదల కోరుతూ ధర్నా
    మంద క్రిష్ణ మాదిగ గృహ నిర్బంధాన్ని ఖండించండి

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •