ఈవ్ టీజింగ్ సాకు తీసుకొని మొత్తం దళితవాడను సాంఘిక బహిష్కరణకు గురిచేయడం అమానుషం

| ప‌త్రికా ప్ర‌క‌ట‌న‌లు

ఈవ్ టీజింగ్ సాకు తీసుకొని మొత్తం దళితవాడను సాంఘిక బహిష్కరణకు గురిచేయడం అమానుషం

- కడప జిల్లా ప్రజాసంఘాల నిజనిర్ధారణ బృందం | 10.10.2018 10:57:42pm

కాశినాయన మండలం, కేశవనాయని కొట్టాల దళిత విద్యార్థిపై దాడి, సాంఘిక బహిస్కరణపై ప్రజా సంఘాల ఆధ్వర్యములో 8.10.2018న నిజనిర్ధారణ బృందం, కోడిగుడ్లపాడు హైస్కూల్ విద్యార్థినులను, కొండ్రాజుపల్లె కె.యన్. కొట్టాల గ్రామాలను, కె.యన్. కొట్టాల దళితవాడను పర్యటించి అక్కడి ప్రజలను కలిసి వాస్తవాలను సేకరించింది.

కొండ్రాజుపల్లె, కె.యన్.కొట్టాల, ఆకులవారిపల్లె తదితర గ్రామాలనుండి అన్ని వర్గాల పిల్లలు చదువుకోవడానికి కోడిగుడ్లపాడులో వున్న జిల్లా పరిషత్ హైస్కూలుకు వెళ్తారు. సాయంకాలం స్కూలు వదిలిన తరువాత కొందరు సైకిళ్ళపై, మరికొందరు నడుచుకుంటూ వారివారి గ్రామాలకు పోతుంటారు. సెప్టెంబర్ 4న కే.యన్. కొట్టాల దళితవాడకు చెందిన ఇంటర్ చదువుతున్న వంశీ, డిగ్రీ చదువుతున్న కాశయ్యలు కోండ్రాజపల్లె, కోడిగుడ్లపాడు మధ్యలో నడుచుకుంటూ వస్తున్న విద్యార్థినులపై ఈవ్ టీజింగ్ కు పాల్పడినారని తెలిసింది. ఈ విషయం పెద్దలకు తెలిసి దళితవాడకు రోడ్డుమీద నడచుకుంటూ వస్తున్న వంశీ, కాశయ్యలను కొండ్రాజుపల్లె గ్రామస్తులు ఊరులోకి తీసుకొనిపోయి ఆవేశంతో మూకుమ్మడిగా చెప్పులతోను, కాళ్ళు చేతులతోనూ కొట్టారు. వాళ్ళను కొట్టే వీడియోలుకూడా సోషల్ మీడియాలో వైరల్ అయినాయి. ఆడపిల్లలను అల్లరి పెడితే కొట్టామని కొండ్రాజుపల్లె గ్రామస్తులు కూడా తెలిపారు. కోడిగుడ్లపాడు జిల్లా పరిషత్ హైస్కూలు బాలికలను ఈ విషయం గురించి అడిగితే వారిలో కాశయ్య ఈవ్ టీజింగ్ పాల్పడలేదని వంశీ మాత్రమే విద్యార్థినులను వేధించాడని నిజనిర్ధారణ బృందానికి చెప్పారు. ఆడపిల్లలను వేధించడం ఏమాత్రం క్షమించరానిది. వారిని చట్టప్రకారం శిక్షించాల్సిందే. అది ఎవరికీ మినహాయింపు కాదు. కానీ కొండ్రాజుపల్లె వాసులు చట్టప్రకారం వ్యవహరించకుండా బాలికలను వేధించారని ఆరోపణలు ఎదురుకొన్న వంశీ, కాశయ్యలను అదుపులోకి తీసుకొని భౌతిక దాడులకు పాల్పడడం శోచనీయం. వారిని పోలీసులకు అప్పగించి వుంటే బాగుండేది. అంతే కాకుండా దానిని సాకుగా తీసుకొని మూడు గ్రామాలకు కూడలిగా, బస్టాప్ గా ఉన్నచోట దళితులకు సంబంధించిన వేపచెట్టును నరికివేయడం, వేపచెట్టు కిందవున్న అరుగును ధ్వంసం చేయడం, దాని ప్రక్కనే ఉన్న కాశినాయన పూరిగుడిసె ఆశ్రమాన్ని కాల్చివేయడం చూస్తూంటే దళితులపట్ల అగ్రకులాలకు ఎంతటి కులవివక్ష వున్నదో అర్ధమౌతున్నది.

కె.యన్. కొట్టాల దళితవాడ ప్రజలు ఏమంటున్నారంటే నిజంగా మా పిల్లలు కొండ్రాజుపల్లె బాలికలను వేధించినట్లయితే మేము దాన్ని సమర్ధించడంలేదు. మా పిల్లలను కొట్టినాకూడా అర్థం చేసుకోగలం. ఆడపిల్లల విషయంలో ఎవరైనా అట్లాగే చేస్తారు. కానీ మా దళితుల పట్ల ఎప్పటి నుండో కులవివక్షతతో వున్న అగ్రకులాలవారు దానిని సాకుగా తీసుకొని మాకు సంబంధించిన వేపచెట్టును నరికేసి, అరుగును కూల్చేసి, ఆశ్రమాన్ని తగలపెట్టారు. బస్టాప్ లోని అరుగులమీద మేము కూర్చోవడం సహించలేక, ఏరా మెమోస్తే అరుగులపై నుండి లేయరా అని చాలాసార్లు కులం పేరుతో తిట్టేవాళ్ళు. కుల దురహంకారంతో, ఎప్పటి నుండో మనసులో పెట్టుకొని ఉద్దేశపూర్వకంగా వీటిని ధ్వంసం చేసినారు. ఈ సంఘటనను సాకుగా తీసుకొని చుట్టప్రక్కల గ్రామాలలోని అగ్రకులాలు ఏకమై మాకు వ్యతిరేకంగా ధర్నా చేసినారు. దళితవాడ ప్రజలను అగ్రకులాలవారు వ్యవసాయపనులకు పిలవొద్దంటూ అన్నిచోట్లా అడ్డం తగులుతున్నారు. నిత్యావసర వస్తువులు కొనడానికిపోతే సరుకులు ఇవ్వకుండా నిరాకరిస్తున్నారు. కనీసం ప్రభుత్వం యన్.టి.ఆర్ సృజల స్రవంతిలో భాగంగా ఇస్తున్న మినరల్ వాటర్ కూడా మాకు ఇవ్వడంలేదు.

దీనిని బట్టి చూస్తే అక్కడ ʹసాంఘిక బహిష్కరణʹ అమలవుతోందని అర్ధమౌతున్నది. దీనిని మేము తీవ్రంగా ఖండిస్తున్నాము. ఏ క్షణంలోనైనా దళితవాడపై దాడి జరిగే అవకాశముంది. ప్రభుత్వ యంత్రాంగం చొరవ తీసుకొని గ్రామంలో పర్యటించి ఇరువర్గాలను సమావేశపరచి శాంతిని నెలకొల్పాలని కమిటీ అభిప్రాయపడుతున్నది.
వేధింపులకు పాల్పడిన విద్యార్థులనే కాకుండా దళితవాడ నుండి కాలేజీలకు పోయే నాగరాజు, శశీ, జీవన్ కుమార్ అనే విద్యార్థులపై కూడా కేసు పెట్టడం దారుణమైన విషయం. ఇది దళిత విద్యార్థులను చదువులకు దూరంగా పెట్టడమేనని అర్ధమౌతున్నది. పై సంఘటనలన్నీ పరిశీలిస్తే వేధింపులను సాకుగా తీసుకొని దళిత విద్యార్థులపై దౌర్జన్యాలకు పాల్పడమే కాకుండా వీరి చదువులకు ఆటంకం కలిగిస్తున్నారు. బాలికలను వేధించడం తప్పే. అది శిక్షార్హమే. కాని ఇది సాకుగా తీసుకొని చట్టాన్ని చేతులోకి తీసుకొని గ్రామస్తులు దళిత విద్యార్థులపై భౌతిక దాడులకు పాల్పడడంకూడా నేరమే.

డిమాండ్స్ :
1. సాంఘిక బహిష్కరణకు పాల్పడుతున్న అగ్రకులాల వారిపై వెంటనే కేసులు నమోదు చేయాలి.
2. దళిత విద్యార్థులపై భౌతిక దాడులకు పాల్పడిన అగ్రకుల వారిపై కేసులు నమోదు చేయాలి.
3. బస్టాండులో వున్న అరుగు, చెట్లును, ఆశ్రమాన్ని ధ్వంసం చేసిన వారిపై కేసులు నమోదు చేయాలి.
4. అరుగును, ఆశ్రమాన్ని తిరిగి పునరిద్ధరించాలి. చెట్లను నాటాలి.
5. ప్రభుత్వ యంత్రాంగం దళితులకు రక్షణ కల్పించాలి.
6. వేధింపులకు సంబంధంలేని దళిత విద్యార్థులపై నమోదు చేసిన కేసులను ఎత్తివేయాలి.

-కొవ్వూరు మనోహర్ రెడ్డి (పౌరహక్కుల సంఘం),
సి. వెంకటేశ్వర్లు, (పౌరహక్కుల సంఘం),
వంగిమళ్ళ రమణ (పౌరహక్కుల సంఘం)
కె. జయశ్రీ (మానవహక్కుల వేదిక)
పి. వరలక్ష్మి (విప్లవ రచయితల సంఘం)
పద్మ (చైతన్య మహిళా సంఘం)






No. of visitors : 580
Type in English and Press Space to Convert in Telugu

Related Posts


ఆ పిల్లకు క్షమాపణతో...

పి.వరలక్ష్మి | 24.09.2018 11:25:16am

కులం, పితృస్వామిక కుటుంబం మానవత్వాన్ని, ప్రేమను ఎట్లా బలితీసుకుంటోంది. మనిషిని ఒక్కసారి కాదు, పదేపదే చంపుతుంది. మనిషి చచ్చిపోయినా ప్రేమను బతికించుకోవాలనే......
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

ఫ్రెడరిక్ ఏంగెల్స్ జీవిత చరిత్ర

కార్మికవర్గానికి మార్క్స్, ఏంగెల్స్ లు చేసిన సేవను నాలుగు మాటల్లో చెప్పాలంటే ఈ విధంగా చెప్పవచ్చు : కార్మికవర్గం తన్ను తాను తెలుసుకొని, తన శక్తిని చైతన్యవ...

  • విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం
  • Open letter to Krishna Bandyopadhyay
  • Naxalbari Politics: A Feminist Narrative
  • చారిత్రాత్మక మే 25, 1967
      వీడియోలు  
    లేటెస్ట్ పోస్టులు...
    అరుణతార డిసెంబర్ 2019
    సృజనాత్మక ధిక్కారం
    హింసలోనే పరిష్కారం వెతికిన రాజ్యం
    ఆ చావు ఎవరికీ రావొద్దు - యురేనియం ఎక్కడా తవ్వొద్దు.
    హిందుత్వ శక్తులు చేస్తున్న బలవంతపు మత మార్పిడులకు బలైన ఒక ఆదివాసీ యువకుడి కథ
    వాళ్ళు
    ఇంగ్లీషు వద్దనడం లేదు, తెలుగు మాధ్యమం ఉంచండి
    గుండెను స్పృశిస్తూ జరిపిన ఒంటరి సంభాషణ "నా గదిలో ఓ పిచ్చుక"
    దేశంలో ప్రశాంతత నెలకొనివుంది-జైళ్ళూ నోళ్ళు తెరుచుకొనే వున్నాయి - తస్మాత్ జాగ్రత్త
    జై శ్రీరామ్!
    రమాకాంత్‌ వాళ్లమ్మ
    హిందూ రాజ్యం దిశగా

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •