అక్షర చెప్పిన చిన్న కథ

| సంభాషణ

అక్షర చెప్పిన చిన్న కథ

- అశోక్ కుంబము | 21.12.2018 01:41:33am

ఈ రోజు మా ఆరేళ్ళ అమ్మాయి అక్షర చెప్పిన చిన్న కథ

[ఈ రోజు పడుకోబెడుతుంటె ఎందుకు గుర్తుకొచ్చిందో తనకు తెలియదు కాని, ఎప్పుడో తనకి చదివిన గాంధీ పుస్తకంలో అంతా మరిచిపోయింది కాని ఒక "అంటారినితనం" అనే పదాన్ని మాత్రం గుర్తుంచుకుంది. "అంటరానితనం అంటే ఏంటి డాడీ" అని అడిగింది. నేను చెప్పింది అంతా విని "అలా మనుషుల చూడడం ఎంత తప్పు కదా! నాకు చాలా బాధగా వుంది" అంటే కాసేపు మాట్లాడించి (ఓదార్చి!) పడుకోపెట్టే ప్రయత్నం చేసిన. మనసు చెదిరిన బిడ్డ కదా, ఎంతకు పడుకోట్లేదు. ʹతాను పొద్దున్నే బడికి పోవాలి కదా, ఎలాʹ అని నేను అనుకుంటుండగానే వున్నట్లుండి సడన్ గా కూర్చొని "డాడి, నీకో కథ చెప్పాలి. అది అంటరానితనం మీద" అన్నది. నాకు ఆశ్చర్యం వేసింది ʹచిటికెలో కథ తయారు కావడం ఏంటాʹ అని. బడి సంగతి ఎట్లనో పొద్దున్నే చూద్దాం అనుకోని "సరే చెప్పు" అని నేను రెఢీ అయిపోయిన…తాను చెప్పడం మొదలు పెట్టింది.]

అనగనగా ఒక అమ్మాయి వుండేది. వాళ్ళకు బాగనే డబ్బు వుంది. ఏ బాధలు లేవు.

కాని ఒక రోజు ఆడుకోవడానికి బయటకు పోయి దారి తప్పి అంటరాని మనుషులు వుండె ఒక వాడకు పోతుంది.

మొదటిసారి బాధల్లో వున్న మనుషుల చూస్తుంది. వాళ్ళు బాగా చిక్కిపోయి వున్నారు. బట్టలు కూడా సరిగ్గా లేవు. బయటనే పడుకోని వున్నారు.

ఆ అమ్మాయి ఆ వాడలోకి పోతుంటె, ఎవరో వెనకనుండి ʹవాళ్ళు అంటరానివాళ్ళు, ముట్టుకోకు" అని గట్టిగా చెప్పినట్లు వినపడుతుంది.

ఆ అమ్మయికి ఒక్కసారిగా ఎంతో బాధ అనిపిస్తుంది. "వీళ్ళు పేదోళ్ళే కాదు, అంటరానివాళ్ళు కూడానా!" అని బాధ పడి, ఆ వాడకు మరో వైపున వున్న గుడికి పోతుంది.

అక్కడికి పోయిన వెంటనే దేవుడిని ఒక కోరిక కోరుతుంది "దేవుడా ఎలాగైనా ఆ అంటరానితనాన్ని పోగొట్టు" అని.

ఆ అమ్మాయి మాట వున్న దేవుడు వెంటనే ప్రత్యక్ష్యమై "సరే నేను నీలో చేరిపోయి వాళ్ళతో మాట్లాడుత, పోదాం పదా" అని అంటడు.

ఇక దేవుడితో పాటుగా ఆ అంటరాని వాడకు పోతుంది ఆ అమ్మాయి.

అక్కడికి వెళ్లగానే వాళ్ళతో ఏదో చెప్తూ గట్టిగా మాట్లాతుంటుంది, ఎందుకంటె తనలో దేవుడు మాట్లాడుతున్నాడు కాబట్టి.

ఎంత గట్టిగా మాట్లాడుతుందంటే, ఆ దేశం రాజుకు వినపడేంత గట్టిగ.

ఆ రాజుకు గట్టిగా మాట్లాడేవాళ్ళంటే నచ్చదు.

వెంటనే ఆ అమ్మాయిని అరెస్ట్ చేయించి జైళ్ళో పెట్టిస్తాడు.

అప్పుడు ఆ అమ్మాయి దేవుణ్ణి అడుగుతుంది "ఇప్పుడేం చేద్దాం" అని.

అప్పుడు దేవుడంటాడు "నేనుగా ఏమి చేయలేను. ఆ రాజును ఓడించాలంటె మళ్ళీ ప్రజల దగ్గరికి పోవాల్సిందేʹ అని.

అది విన్నాక ఆ అమ్మాయికి అప్పుడు అర్థమయ్యింది "దేవునికన్నా ప్రజలే బలవంతులని. వాళ్ళే ఎలాగైనా అంతరానితనాన్ని ధ్వంసం చేస్తరని."

[కథ చెప్పాక కాని బిడ్డ కంటి నిండా నిద్దుర పోలేదు.]





No. of visitors : 637
Type in English and Press Space to Convert in Telugu

Related Posts


మొద్దుబారుతున్న సమాజం

అశోక్ కుంబము | 02.05.2018 10:50:42am

దేశం మొత్తంలోనె అత్యంత చైతన్యవంతమైన పౌరసమాజం ఉన్న తెలంగాణ కొత్త రాస్ట్రం గా ఏర్పడ్డాక ఎందుకు తన గొంతును తానే నొక్కేసుకొని మూగగా మారిపోయిందే ప్రశ్నించుకో.....
...ఇంకా చదవండి

భూమికి చెవి పెట్టి విందాం, విముక్తి రహస్యం చెబుతుంది

అశోక్ కుంబము | 16.07.2019 08:33:36pm

అమరుల త్యాగాలను తమ గుండెల్లో పదిలంగ దాచుకొని వారి స్వప్నాలను నిజంచేసే విప్లవకారుల కోసం తెలంగాణ గడ్డ మీద ఎదురుచూస్తున్న తల్లులు ఎందరో! విప్లవానికి మరణం......
...ఇంకా చదవండి

ద్రోణాచార్యుడి వేలు తెగాల్సిందే

అశోక్ కుంబము | 20.01.2018 01:08:15am

అంటరానోళ్లంతా మా అగ్రహార విద్యాలయాలలో పిడికిళ్ళ వనమై విస్తరిస్తుంటే మా అగ్రవర్ణ ఆదిపత్య పిలకలెట్ల మొలుస్తయ్? మీ నీడనే మహా పాతకమనుకుంటే నీలి ఆకాశమై ......
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

భారత ప్రజల విముక్తికి మార్గం చూపిన నక్సల్బరీ రైతాంగ పోరాట లక్ష్యం - గుణపాఠాలు

నిజమైన కమ్యూనిస్టులుగా మారాలంటే విశాల ప్రజారాశులకు విద్యార్థులుగా మారాల్సి ఉంటుంది. సలహాదార్ల లాగా, సర్వం తెలిసినవాళ్లలాగా, ఉపాధ్యాయులు లేదా పండింతుల లాగా..

  • నక్సల్బరీ వీరోచిత రైతాంగం వర్ధిల్లాలి!
  • The Question of class war and annihilation of caste - New democratic revolution in Neo Colonial India
  • Students and the Revolution
  • నూతన ప్రజాస్వామిక విప్లవ నేత
      వీడియోలు  
    లేటెస్ట్ పోస్టులు...
    అరుణతార జులై - 2020
    వరవరరావు, సాయిబాబాలను వెంటనే విడుదల చేయాలి. తెలుగు కవులు, రచయితలు, కళాకారుల విజ్ఞప్తి.
    గాలింపు, స్థూపాల కూల్చివేత
    కవి కాశీం కవిత్వ విశ్లేషణ
    అసమానత నుండి విప్లవం దాకా..
    ఇప్పడైనా వరవరరావును విడుదల చేయాలి.
    తాము చేసిన ప్రమాణానికి వాళ్ళు కట్టుబడి వుంటారా?
    కవి వరవరరావు కిరాయి హంతకుడు కాడు. ఆయన పట్ల సానుభూతి చూపించడం కాదు, ఆయనకు న్యాయం జరగాలి
    వరవరరావును జైలులో చంపవద్దు
    మహాశ్వేతాదేవి నవల ʹఒక తల్లిʹ, ఒక భావోద్వేగ కావ్యం
    "నిర్లక్ష్యానికి వివక్షతకు గురయ్యే జీవితాల వ్యధలు కృష్ణ జ్యోతి కథలు"
    అక్రమ అరెస్టులు, ఎన్ కౌంటర్ హత్యల హిందూ ఫాసిస్టు రాజ్యానికి వ్యతిరేకంగా

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •