అగ్రవర్ణ పేదలకు రిజర్వేషన్లు ఇవ్వడం రాజ్యాంగ స్ఫూర్తికి, సామాజిక న్యాయభావనకు వ్యతిరేకం

| సాహిత్యం | వ్యాసాలు

అగ్రవర్ణ పేదలకు రిజర్వేషన్లు ఇవ్వడం రాజ్యాంగ స్ఫూర్తికి, సామాజిక న్యాయభావనకు వ్యతిరేకం

- విరసం | 20.01.2019 11:33:52am

బీజేపీ ప్రభుత్వం అగ్రకుల పేదలకు పది శాతం రిజర్వేషన్లు కల్పిస్తూ బిల్లు తేవడం రాజ్యాంగ వ్యతిరేకం. రిజర్వేషన్ల వెనుక ఉన్న సామాజిక న్యాయభావనను ఈ నిర్ణయం అపహాస్యం చేస్తోంది. ప్రగతి, సామాజిక సమానత్వం అనే కీలకమైన విలువలపట్ల గౌరవం ఉన్న వాళ్లందరూ ఈ పది శాతం రిజర్వేషన్లను వ్యతిరేకించాలి. మన సమాజ ప్రజాస్వామికీకరణను కోరుకునేవాళ్లందరూ ఈ విషయంపై ఉద్యమించాలి.

అగ్రకులాల్లో ఆర్థికంగా వెనుకబడిన వాళ్లకు రిజర్వేషన్లనే పేరుతో ప్రభుత్వం ఇన్నేళ్ల రిజర్వేషన్ల విధానంలోకి కొత్త ఒరవడిని తీసుకొని వచ్చింది. రిజర్వేషన్లకు ఆర్థిక వెనుకబాటుతనం, పేదరికం ప్రాతిపదిక కాదు. అంటరానితనం, సామాజిక వివక్ష మాత్రమే రిజర్వేషన్ల కల్పనకు పునాది. సామాజిక అంతరాలు, వైరుధ్యాలు పరిష్కారం కాకుండా ప్రతి మనిషికి ఓటు హక్కు ఇచ్చినంత మాత్రాన సమానత్వం సాధ్యం కాదనే ఎరుకతో రాజ్యాంగ నిర్మాతలు ఈ స్ఫూర్తిని ప్రదర్శించారు.

ఇంకోపక్క ఆస్తిపర వర్గాలకే సమాజం మీద, రాజ్యాంగ యంత్రం మీద పెత్తనం కట్టబెట్టే రాచమార్గాన్ని రాజ్యాంగమే కల్పించింది. మన దేశంలో సంపద మీద అధికారానికి కులవ్యవస్థకు దగ్గరి సంబంధం ఉంది. కులంతో సంబంధం లేకుండా పేదరికం లేదు. వెనుకబాటుతనం లేదు. ఒకవేళ ఆర్థిక సమానత్వం సాధించినా సామాజిక న్యాయం అమలు కాదు. అంటరానితనం, కుల వివక్ష పోనంత వరకు సామాజిక సమానత్వానికి చోటే లేదు. దీన్ని సాధించేందుకు సామాజిక ప్రాతిపదిక పునాది కావాలి. అర్థికం కాదు. తరతరాలుగా కొన్ని సామాజిక సమూహాలకు పనిగట్టుకొని అన్ని అవకాశాలను దూరం చేసిన అమానవీయ కులవ్యవస్థ మన దేశంలో బలంగా వేళ్లూనుకొని ఉంది. అన్ని రంగాల్లోనూ దళితుల, వెనకబడిన కులాల ప్రాతినిథ్యం పెంచకపోతే ప్రజాస్వామ్యానికి అర్థమే లేదు. ఉన్నత విద్య, ఉద్యోగాల సామాజిక బాధ్యత నిర్వర్తించి, ప్రజలకు సేవ చేసే స్థానాలు కనకనే వాటిల్లో అన్ని సమూహాల ప్రాతినిధ్యం ఉండాలి. ప్రజలకు సేవ చేసే స్థానాల్లో ఆధిపత్య కులాలు, పురుషులు మాత్రమే ఉంటే అక్కడికి పీడిత కులాలు, స్త్రీలు చేరుకోవడమే దుర్లభం. కనుక రిజర్వేషన్లు కల్పించడం ప్రజాస్వామ్య బాధ్యత. అందుకోవడం ఆయా వర్గాల హక్కు. ఇది అయ్యే పాపం అని అందించే సహాయం కాదు. వేల ఏళ్లుగా వ్యవస్థ చేసిన తప్పును సరిదిద్దుకోవడం. వందల వేల ఏళ్లుగా సామాజిక వివక్షకు గురైతున్న వాళ్లకు రిజర్వేషన్లు కల్పించడం వెనుక రాజ్యాంగం స్థూలంగా ఈ స్ఫూర్తిని ప్రదర్శించింది.

దళితుల్లో సంపన్నులు దాదాపు లేనట్లే. మొత్తంగా సంపన్నులు చాలావరకు అగ్రకులాల వాళ్లే ఉంటారు. అయితే అగ్రకులాల్లో కూడా సంపన్నుల కన్నా సామాన్యులే మెజారిటీ. దీనిని చూపించి మరి అగ్రకులాల్లో పేదలకు అవకాశాలు అక్కర్లేదా అని వాదన చేస్తూ ఉంటారు. మరో అడుగుముందుకేసి అసలు రిజర్వేషన్ల వల్లే అగ్రకులాల్లో పేదలకు అవకాశాలు లేకుండా పోతున్నాయని అంటారు. రిజర్వేషన్ల అర్థం తెలీని చాలా అసంబద్ధమైన వాదన ఇది. ఇందులో కులస్వభావం తొంగిచూస్తూ ఉంటుంది. ఉద్యోగం రాకపోవడం మొత్తంగా నిరుద్యోగ సమస్యలో భాగం. లక్షల్లో అభ్యర్థులు, వందల్లో కూడా లేని ఉద్యోగాలు ఇప్పుడున్న స్థితి. నిరుద్యోగ సమస్య మీద ప్రజలకు ప్రభుత్వం మీద ఆగ్రహం కలగాలి. కానీ మన దేశంలో కింది కులాల మీద అసూయ, ద్వేషం కలుగుతుంది.

ఇటువంటి భావజాలానికి సంఘపరివార్‌ మద్దతు ఉంటుంది. మద్దతు మాత్రమే కాదు దీన్ని రెచ్చగొడుతుంది కూడా. ఎట్టైతే ముస్లింలకు వ్యతిరేకంగా మతం పేర జనాన్ని రెచ్చగొడుతుందో, అలా దళితుల మీద ఆక్రోశంగా రిజర్వేషన్ల వ్యతిరేక వైఖరిని పలు సందర్భాల్లో అది వ్యక్తం చేసింది. మన దేశంలో ఫాసిజం కత్తికి మతం ఒక అంచు అయితే కులం మరో అంచు. రిజర్వేషన్‌ వ్యతిరేకత కూడా సంఘపరివార్‌ ఫాసిజంలో భాగం. మెరిట్‌ చర్చ కూడా ఇందులో భాగంగానే వచ్చింది. మెరిట్‌ లేకపోయినా డబ్బున్న వాడు సీటు కొనుక్కొని డాక్టర్‌ అయితే వాడి వల్ల సమాజం ఏమైపోతుంది అనే చర్చ రాదు. దళితుల విషయంలోనే ఈ చర్చ వస్తుంది. సామాజిక న్యాయభావనకు సంఘపరివార్‌ వ్యతిరేకం కనకనే అది రిజర్వేషన్‌ స్ఫూర్తికి విఘాతం కలిగిస్తూ అసంబద్ధమైన చర్చను తీసుకొస్తుంది. అందుకు రిజర్వేషన్‌ను పేదరికానికి ముడిపెడుతుంది.

ఇప్పుడు పార్లమెంటులో తిరుగులేని అధికారంలో ఉన్న సంఘపరివార్‌ అగ్రకుల పేదలకు రిజర్వేషన్‌ సౌకర్యం కల్పిస్తోంది. ఇప్పుడిక రిజర్వేషన్లను పేదరిక నిర్మూలనా కార్యక్రమంగా మార్చేసారు. పేదరికం, ఆర్థిక అసమానతలు, నిరుద్యోగం నానాటికీ పెరిగిపోవడానికి పాలకుల విధానాలే కారణం. దోపిడీతో సంబంధం లేకుండా పేదరికాన్ని పరిశీలించడానికి లేదు. శ్రమ దోపిడీ రద్దు కాకుండా పేదరిక నిర్మూలనా కార్యక్రమాల వల్ల వరిగేదేమీ లేదు. ఆ మాటకొస్తే సామాజిక సమానత్వ సాధనకు రిజర్వేషన్లే ఏకైక మార్గం అని ఎవరు అనుకున్నా అది నిజం కాదు. ఇప్పుడున్న రాజ్యయంత్రాంగంలో తరతరాలుగా దుర్భర స్థితిలో ఉన్న పీడిత కులాలకు రిజర్వేషన్లు ఉపశమనం మాత్రమే. రిజర్వేషన్ల ఫలాలను, వాటి ప్రభావాలను ఏ మాత్రం తక్కువ చేయకుండానే ఎక్కువ చేయడానికి కూడా లేదు. అలాగే పేదరికానికి కారణమైన దోపిడీ రాజకీయార్థిక వ్యవస్థ పరిధిలోనే పేదలకు కనీస ఆసరాగా అయినా సరే ప్రభుత్వం కార్యక్రమాలు చేపట్టాలి. వాటి అవసరాన్ని గుర్తించి పోరాడాల్సిందే.

పేదలను మనుషులుగానే పరిగణించని రాజకీయార్థిక విధానాలు అమలు చూస్తూ, ఇంకోపక్క సామాజిక అసమానతలు తగ్గించడానికి ఉద్దేశించిన రిజర్వేషన్లను పేదరిక నిర్మూలనా కార్యక్రమంగా మార్చివేయడంలోని కుట్రను అర్థం చేసుకోవాలి. ఈ 10 శాతం రిజర్వేషన్ల విధానాన్ని ఖండించడమంటే అగ్రకుల పేదల సమస్యలను విస్మరించడం కాదు. వారికే కాదు, మొత్తంగా సమాజంలో పేదలందరి కోసం ప్రభుత్వం చాలా చేయాలి. దోపిడీ మీద ఆధారపడిన ఈ పాలకవర్గం వల్ల పేదరికం పెరుగుతోందేకాని, తగ్గదనే మౌలిక అవగాహనపట్ల ఏ గందరగోళం లేకుండానే ప్రభుత్వం మీద ఈ విషయంలో ఒత్తిడి తేవాలి.

అగ్ర వర్ణ పేదల ఓటు బ్యాంకు కోసమే బీజేపీ ఈ బిల్ల తీసుకొస్తే, నిత్యం అనేక విషయాల్లో అవమానకర స్థాయిలో చట్టసభల్లో, బైటా తగాదాపడే రాజకీయ పార్టీలన్నీ ఈ బిల్లు రిజర్వేషన్‌ స్ఫూర్తికి, సామాజిక న్యాయానికి, అంతిమంగా రాజ్యాంగానికీ వ్యతిరేకం అని చెప్పకుండా తమ ఐక్యతను గొప్పగా చాటుకున్నాయి. దీన్ని వ్యతిరేకిస్తే అగ్రకులాల ఓట్లకు తాము ఎక్కడ దూరమవుతామో అనే భయంతో అందరూ చిన్న తేడాలతో మోదీ గొంతుతోనే ఈ బిల్లుకు స్వాగతం పలికారు.

హడావిడిగా ప్రవేశపెట్టారని, తగిన కసరత్తు చేయలేదని, ఆచరణలో ఇబ్బందులుల తలెత్తి అమలు కావడం కష్టమనీ పార్లమెంట్‌ లోపల, బైటా విమర్శ వినిపిస్తోంది. ఏ మినహాయింపులు లేకుండా, అమలుకు సంబంధించిన సాదకబాదకాలతో నిమిత్తం లేకుండా తిరస్కరించవలసిన విధానం ఇది. ʹపేదరికంʹ చాటుకోవడం ఈ దేశంలో నిమిషాల పని. అవసరమైతే అంబానీలు, ఆదానీలు కూడా తాము నిరుపేదలమని కాయితాలు తీసుకొని వస్తారు. ఆర్థిక వెనుకబాటుతనం అనే పేరుతో అగ్రకులాల్లోని పలుకుబడి, పెత్తనం ఉన్న వాళ్ల బొక్కసాలకే ఈ రిజర్వేషన్‌ ఫలాలు చేరుకుంటాయి. దశాబ్దాల తరబడి మహిళా రిజర్వేషన్‌ బిల్లుకు పార్లమెంట్‌లో అతీగతీ లేదు కాని, నరేంద్రమోదీ తన ఎన్నికల వ్యూహానికి మూడు రోజుల్లో ఆమోదం పొందగలిగాడు. దీన్ని అంగీకరించడం ద్వారా తమ ప్రయోజనాలను తామూ తీర్చుకోగలిగామని అన్ని రాజకీయ పార్టీలు సంతోషిస్తున్నాయి. ప్రజాస్వామ్యంపట్ల గౌరవం ఉన్న వారంతా ఈ కుట్రపూరిత విధానాన్ని ఎదుర్కోవాల్సి ఉంది.





No. of visitors : 222
Type in English and Press Space to Convert in Telugu

Related Posts


దండ‌కార‌ణ్యంలో... న‌క్స‌ల్బ‌రీ 50 వ‌సంతాల వేడుక‌లు

| 17.08.2017 12:00:37pm

న‌క్స‌ల్బ‌రీ వార‌సులైన దండ‌కార‌ణ్య మావోయిస్టు విప్ల‌వ కారులు జ‌న‌త‌న స‌ర్కార్ నేప‌థ్యంలో త‌మ‌కు తామే కాదు..దేశ వ్యాప్తంగా మైదాన ప్రాంత ప్ర‌జ‌ల‌కూ, ప్ర‌పంచ.....
...ఇంకా చదవండి

విరసం సాహిత్య పాఠశాల

విరసం | 18.01.2017 11:20:58am

రాజకీయ, సిద్ధాంత రంగాల్లోనేకాదు, సాహిత్య కళారంగాల్లో కూడా తలెత్తుతున్న సంక్షోభాలన్నిటికీ సోషలిజమే పరిష్కారమని చెప్పవలసి ఉన్నది. ఈ స్ఫూర్తితో విరసం ఈ సాహిత్య...
...ఇంకా చదవండి

నోట్ల ర‌ద్దు ప్ర‌గ‌తి వ్య‌తిరేక‌మైన‌ది : ప్ర‌సాద్‌

ప్ర‌సాద్ | 03.03.2017 10:35:48am

విర‌సం సాహిత్య పాఠ‌శాల (11, 12 ఫిబ్ర‌వ‌రి 2017, ప్రొద్దుటూరు) లో పెద్ద నోట్ల ర‌ద్దుపై ఐఎఫ్‌టీయూ ప్ర‌సాద్ ప్ర‌సంగం...
...ఇంకా చదవండి

సాయిబాబా అనారోగ్యం - బెయిల్‌ ప్రయత్నాలు - వాస్తవాలూ - వక్రీకరణలూ

విరసం | 09.11.2017 10:58:17pm

కేవలం ఆరోగ్యం దృష్ట్యా సాయిబాబాకు బెయిల్‌ పిటీషన్‌ వేయడంలో చాల రిస్క్‌ ఉంది. ఆయన కూడ మొదటి నుంచి ఆ గ్రౌండ్స్‌ మీదనే వేయొద్దని అంటున్నాడు. లీగల్‌గా, పొలిటికల...
...ఇంకా చదవండి

సోషలిజమే ప్రత్యామ్నాయమని ఎలుగెత్తి చాటుదాం

విరసం | 24.10.2016 02:26:21pm

మానవజాతి చరిత్రలో మహాద్భుత ఘట్టం బోల్షివిక్‌ విప్లవం. ఈ నవంబర్‌ 7 నుంచి రష్యన్‌ విప్లవ శత వసంతోత్సవాలు ప్రారంభమవుతున్నాయి. చరిత్ర గతిని మార్చేసిన అనేక తిరుగ...
...ఇంకా చదవండి

ఈ పుస్తకాన్ని చదివే సాహసం చేయండి

ఫ్రాంజ్ ఫనాన్ | 18.12.2016 10:36:24am

ఇరవయ్యవ శతాబ్దంలో వలసవాదం గురించి, జాత్యహంకారం గురించిన అత్యద్భుతమైన సిద్ధాంతకర్త ఫ్రాంజ్ ఫనాన్. ...
...ఇంకా చదవండి

నక్సల్బరీ విశిష్టత- రాజకీయ కార్యక్రమం

పాణి | 20.05.2017 09:57:29pm

నక్సల్బరీ ఒక పంథా అని అంటున్నామంటే పార్లమెంటరీ విధానాన్ని పూర్తిగా తిరస్కరించిన సాయుధ పోరాట మార్గమని అర్థం. విప్లవం గురించి ఎన్ని రకాలుగా ఆలోచించేవారైనా.......
...ఇంకా చదవండి

లాల్ ముసాఫిర్ - కామ్రేడ్ ఎం.టి. ఖాన్‌

virasam | 07.06.2016 11:00:13am

పాత‌న‌గ‌రం పేద ముస్లింల‌కు బ‌డేబాయి, స‌హ‌చ‌రుల‌కు ఖాన్‌సాబ్‌.పౌర‌హక్కుల నేత‌గా, విప్ల‌వ ర‌చ‌యిత‌గా, అధ్యాప‌కుడిగా, పాత్రికేయుడిగా తెలుగు స‌మాజంలో త‌నదైన‌......
...ఇంకా చదవండి

కంచె ఐలయ్య పై రాజ్యం, సంఘపరివార్‌, ఆధిపత్య కులాలు చేస్తున్న దాడిని తీవ్రంగా ఖండిస్తున్నాం

విప్లవ రచయితల సంఘం | 25.09.2017 02:25:15pm

భౌతికదాడులు చేయడం, దాడులు చేస్తున్న వాళ్లకు రాజ్యమే దన్నుగా నిలబడి రచయిత మీద కేసు నమోదు చేయడం ఫాసిజమే తప్ప ప్రజాస్వామ్యం కాదు. వేల ఏళ్లుగా శ్రమ దోపిడికి, స ...
...ఇంకా చదవండి

బెజ్జంకి అమరుల స్ఫూర్తితో సాహిత్య, మేధో రంగాల్లో బోల్షివిజాన్ని ఎత్తిప‌డ‌దాం

విరసం | 06.11.2016 12:56:33am

చారిత్రక భౌతికవాదాన్ని, వర్గపోరాటాన్ని, సోషలిజాన్ని ప్రజా శ్రేణుల్లోకి మరోసారి తీసికెళ్లడానికి యాభై ఏళ్ల సాంస్కృతిక విప్లవం, నూరేళ్ల బోల్షివిక్‌ విప్లవం.....
...ఇంకా చదవండి


ఎడిట‌ర్ - క్రాంతి
టీం - అర‌స‌విల్లి కృష్ణ‌, సాగ‌ర్‌, పావ‌ని

  కార్య‌క్ర‌మాలు  

  అరుణ‌తార  

  సోష‌లిజ‌మే ప్ర‌త్యామ్నాయం  

విప్లవ పోరాట పంథాలో కార్మికవర్గ సమైక్యత నేడు ప్రధాన కర్తవ్యం

భారత కార్మికవర్గం కర్తవ్యం ఏమిటి? దోపిడీదారి వ్యవస్థ నుండి విముక్తికై సాగే జాతీయ విప్లవపోరాటానికి నాయకత్వం వహించవలసిన చారిత్రిక బాధ్యత కార్మికవర్గంపై..

  • Open letter to Krishna Bandyopadhyay
  • Naxalbari Politics: A Feminist Narrative
  • చారిత్రాత్మక మే 25, 1967
  • భారతదేశంపై వసంత మేఘ గర్జన
      వీడియోలు  
    లేటెస్ట్ పోస్టులు...
    భారత విప్లవోద్యమంలో చారుమజుందార్‌
    భారత విప్లవోద్యమంలో చారుమజుందార్ శతజయంతి సదస్సు
    విరసం నాయకుడు జగన్‌పై అక్రమంగా పెట్టిన ఉపా కేసు ఎత్తివేయాలి
    అరుణతార అక్టోబర్ 2019
    మనమూ తేల్చుకోవాల్సిందే
    ఆత్మీయ కలయిక
    కరవాలం చెప్పిన రహస్యం
    కాశ్మీరు మనది!
    మంచి కథ ఎప్పుడూ పాఠకుల ఆలోచనలకు పదును పెడుతుంది
    అక్షర సాహసులకు చైతన్య స్ఫూర్తి విరసం
    విరసం తో నా అనుబంధం - అనుభవం
    కులం - విప్లవోద్యమ అవగాహన, ఆచరణ - 2

    గత సంచికలు...


    Email Subscription

    Related Links

    www.sanhati.com
    www.bannedthought.net/India
    www.indiaresists.com
    www.signalfire.org
    www.icspwindia.wordpress.com
    www.kractivist.org
    www.magazine.saarangabooks.com
    www.arugu.in
    www.sovietbooksintelugu.blogspot.in
  •